കോട്ടയം : കോട്ടയംകാർക്ക് പരിചയപ്പെടുത്തലുകൾ ആവശ്യമില്ലാത്ത മുഖമാണ് ടോണി വർക്കിച്ചന്റെത്. അച്ചായൻസ് ഗോൾഡ് എന്ന സ്വർണവ്യാപാര രംഗത്തെ ബ്രാന്റിന്റെ ഉടമസ്ഥൻ എന്നതിലുപരി തികഞ്ഞ മനുഷ്യസ്നേഹിയും സാമൂഹ്യപ്രവർത്തകനും ആയി ജനമനസ്സുകളിൽ ഇടം നേടിയ വ്യക്തിത്വമാണ് ടോണി വർക്കിച്ചൻ.
ടോണി വർക്കിച്ചന്റെ നേതൃപാടവത്തിൽ മറ്റൊരു നാഴികക്കല്ലു കൂടി പിന്നിടുകയാണ് അച്ചായൻസ് ഗോൾഡ്. വളരെ കുറഞ്ഞ കാലം കൊണ്ട് തന്നെ മദ്ധ്യതിരുവിതാംകൂറിലെ ഏറ്റവും വലിയ സ്വർണവ്യാപാരസ്ഥാപനമായി അച്ചായൻസ് ഗോൾഡിനെ മാറ്റി എടുക്കാൻ ടോണി വർക്കിച്ചന് കഴിഞ്ഞു. ഇപ്പോൾ ഇതാ തങ്ങളുടെ സ്ഥാപനത്തിന്റെ മുപ്പതാമത് ഷോറൂം കോട്ടയം പാമ്പാടിയിൽ പ്രവർത്തനം ആരംഭിക്കുന്നു. ഈ മാസം 14ന് (ഞായറാഴ്ച) വൈകുന്നേരം 5 മണിക്ക് ടോണി വർക്കിച്ചനും പ്രശസ്ത സിനിമാ താരം നമിത പ്രമോദും ചേർന്ന് ഉദ്ഘാടനം നിർവഹിക്കും. പാമ്പാടി ശ്രീ കൃഷ്ണ സ്വാമി ക്ഷേത്രത്തിന് സമീപമാണ് പുതിയ ഷോറൂം സ്ഥിതി ചെയ്യുന്നത്.
ഉദ്ഘാടനത്തോടനുബന്ധിച്ച് 10 ഭാഗ്യശാലികൾക്ക് പതിനായിരം രൂപ വീതം സമ്മാനവും ടോണി വർക്കിച്ചൻ വിതരണം ചെയ്യുന്നുണ്ട്.
അച്ചായൻസ് ഗോൾഡിൽ നിന്നും ലഭിക്കുന്ന മികച്ച സേവനങ്ങൾ ഇനി പാമ്പാടിയിലും ലഭ്യമാകുമെന്ന് ഉറപ്പു നൽകിയ ടോണി വർക്കിച്ചൻ അദ്ദേഹത്തെയും പ്രസ്ഥാനത്തെയും പിന്താങ്ങുന്ന എല്ലാ നാട്ടുകാരെയും ഉദ്ഘാടനദിവസം പാമ്പാടിയിലേക്ക് ക്ഷണിക്കുന്നതായി പറഞ്ഞു.