മുഖ്യ തെരഞ്ഞെടുപ്പ് കമ്മീഷണർ (CEC) ഗ്യാനേഷ് കുമാറിനെ പുറത്താക്കണമെന്നും വോട്ടർ പട്ടികയിലെ ക്രമക്കേടുകള്‍ അന്വേഷിക്കണമെന്നും ആവശ്യപ്പെട്ട് ഡല്‍ഹി കേരള ഹൗസിന് മുന്നില്‍ പ്രതിഷേധിച്ച മുതിർന്ന സി.പി.എം നേതാക്കളെ ഡല്‍ഹി പൊലീസ് കസ്റ്റഡിയിലെടുത്തു.
ജന്തർ മന്തറിലേക്ക് മാർച്ചും പ്രതിഷേധവും സംഘടിപ്പിക്കാൻ ഒരുങ്ങുന്നതിനിടെയാണ് സി.പി.എം ജനറല്‍ സെക്രട്ടറി എം.എ. ബേബി, സംസ്ഥാന സെക്രട്ടറി എം.വി. ഗോവിന്ദൻ, പി.കെ. ശ്രീമതി, കെ.കെ. ശൈലജ തുടങ്ങിയ പ്രമുഖ നേതാക്കളെ പൊലീസ് തടങ്കലിലാക്കിയത്
നേതാക്കളെ കസ്റ്റഡിയിലെടുത്തതറിഞ്ഞ് പ്രതിഷേധവുമായി എത്തിയ പിണറായി വിജയൻ ഉള്‍പ്പെടെയുള്ളവരെ പൊലീസ് അതിർത്തിയില്‍ തടഞ്ഞു. കേന്ദ്ര സർക്കാരിന്റെയും ഡല്‍ഹി പൊലീസിന്റെയും നടപടിക്കെതിരെ രൂക്ഷമായ ഭാഷയിലാണ് അദ്ദേഹം പ്രതികരിച്ചത്. ഡല്‍ഹിയില്‍ നടക്കുന്നത് നഗ്നമായ ജനാധിപത്യ ധ്വംസനമാണെന്നും, ജനാധിപത്യം സംരക്ഷിക്കാൻ സി.ജെ.പി (CJP) പ്രഖ്യാപിച്ച പ്രക്ഷോഭങ്ങള്‍ക്ക് പിന്തുണ നല്‍കേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം മാധ്യമങ്ങളോട് പറഞ്ഞു.