ശുഭ്മാൻ ഗില്‍ ( പുറത്താവാതെ 133 പന്തില്‍ 223) നേടിയ ഇരട്ടശതകത്തിന്റേയും രോഹിത് ശർമ നേടിയ (75 പന്തില്‍ 101) സെഞ്ച്വറിയുടേയും കരുത്തിലാണ് ഇന്ത്യ റണ്‍മല കയറിയത്. ഇന്ത്യയുടെ ഏകദിന ചരിത്രത്തിലെ ഏറ്റവും ഉയർന്ന റണ്‍ചേസാണിത്. 2013ല്‍ ജയ്പൂരില്‍ ഓസ്‌ട്രേലിയക്കെതിരെ നേടിയ 362 റണ്‍സിന്റെ റെക്കോർഡാണ് മായ്ച്ചുകളഞ്ഞത്.
രാജ്യാന്തര ക്രിക്കറ്റിലെ അതിവേഗ ഡബിള്‍ സെഞ്ച്വറിയെന്ന (117 പന്തുകള്‍) നേട്ടവും വെസ്റ്റ് ഇൻഡീസിനെതിരെ ഗില്‍ സ്വന്തമാക്കി. ഇന്ത്യൻ താരം ഇഷാൻ കിഷനെയാണ് മറികടന്നത്.
ഏകദിനത്തില്‍ രണ്ടു തവണ ഇരട്ടശതകം കുറിക്കുന്ന താരങ്ങളില്‍ രോഹിതിനൊപ്പം പിടിക്കാനും ഇന്ത്യൻ ക്യാപ്റ്റനായി. ഏകദിനത്തിലെ ഉയർന്ന വ്യക്തിഗത സ്‌കോറർമാരില്‍ മൂന്നാം സ്ഥാനത്തെത്താനും താരത്തിനായി. രോഹിത് ശർമയും കിവീസ് താരം മാർട്ടിൻ ഗപ്ടിലുമാണ് മുന്നിലുള്ളത്.