ഹോസ്റ്റല് അപകടവുമായി ബന്ധപ്പെട്ട പൊതുതാത്പര്യ ഹർജി നിലവില് ഡല്ഹി ഹൈക്കോടതിയുടെ പരിഗണനയിലാണ്. ഈ കേസ് സുപ്രീംകോടതിയിലേക്ക് മാറ്റുമെന്നും വിഷയം ഉടൻ പരിഗണിക്കുമെന്നും ജസ്റ്റീസുമാരായ എ. അമാനുള്ള, ആർ. മഹാദേവൻ എന്നിവരടങ്ങിയ ബെഞ്ച് അറിയിച്ചു.
ഡല്ഹിയിലെ സ്വകാര്യ പിജികളിലും ഹോസ്റ്റലുകളിലും അടിയന്തര സുരക്ഷാ പരിശോധനയും ഓഡിറ്റും നടത്തണമെന്ന് ആവശ്യപ്പെട്ടാണ് സുപ്രീംകോടതിയില് ഹർജിയെത്തിയത്. സമാന വിഷയം ഹൈക്കോടതിയുടെ പരിഗണനയിലുള്ളതിനാല് കേസ് സുപ്രീംകോടതിയിലേക്കു മാറ്റുന്നതാണ് ഉചിതമെന്ന് സോളിസിറ്റർ ജനറല് തുഷാർ മേത്തയും നിർദേശിച്ചു.സത്യനികേതനിലെ അപകടം നടുക്കുന്നതാണെന്ന് കോടതി നിരീക്ഷിച്ചു. നേരത്തേ ഡല്ഹിയിലെ അനധികൃത നിർമാണങ്ങളുമായി ബന്ധപ്പെട്ട വിഷയം പരിഗണിക്കവെ, അപകടകരമായ കെട്ടിടങ്ങള്ക്കെതിരേ നടപടിയെടുക്കാത്ത മുനിസിപ്പല് അധികൃതരെ സുപ്രീംകോടതി കടുത്ത ഭാഷയില് വിമർശിച്ചിരുന്നു. ചില മേഖലകളില് വിദഗ്ധ പരിശോധന നടത്താനും ഉത്തരവിട്ടിരുന്നു.