സംസ്ഥാനത്തെ മോട്ടോര് വാഹനവകുപ്പ് ഓഫിസുകളില് ഉച്ചകഴിഞ്ഞും സേവനം ഉറപ്പാക്കാന് നിർദേശം. ഓഫിസുകള് ഉച്ചയ്ക്ക് ശേഷം അടച്ചിടുന്നുവെന്ന പരാതിയെ തുടര്ന്നാണ് പുതിയ നിർദേശം.
എംവിഡി ഓഫിസുകളില് ഉച്ചയ്ക്ക് ശേഷവും പൊതുജനങ്ങള്ക്ക് വിലക്കുണ്ടാവില്ല. എല്ലാ ഓഫിസുകളും രാവിലെ 10 മുതല് വൈകിട്ട് അഞ്ച് വരെ പ്രവര്ത്തന സജ്ജമായിരിക്കണമെന്നാണ് സര്ക്കാര് നിര്ദേശം. ഓഫിസ് ഫോണുകള് രാവിലെ 10 മുതല് അഞ്ച് വരെ നിര്ബന്ധമായും പ്രവര്ത്തിക്കണമെന്നും നിര്ദേശമുണ്ട്.
ഉച്ചയ്ക്ക് ശേഷം ജനങ്ങളെ കയറ്റാത്ത ഓഫിസുകള്ക്കെതിരെ കര്ശന നടപടിയെടുക്കാനാണ് സര്ക്കാരിന്റെ തീരുമാനം. മുഖ്യമന്ത്രിയുടെ പരാതിപരിഹാര സെല്ലില് ലഭിച്ച പരാതിയുടെ അടിസ്ഥാനത്തിലാണ് മുന്നറിയിപ്പ്.