മഴ കുറയുമെങ്കിലും മണിക്കൂറില് 40 മുതല് 50 കിലോമീറ്റർ വരെ വേഗതയില് ശക്തമായ കാറ്റടിക്കാൻ സാധ്യതയുള്ളതിനാല് ജനങ്ങള് ജാഗ്രത പാലിക്കണമെന്ന് അധികൃതർ മുന്നറിയിപ്പ് നല്കി. സംസ്ഥാനത്ത് വൻതോതില് മരങ്ങള് കടപുഴകി വീഴാനും ജീവഹാനിക്കും കാരണമാകുന്ന ഒരു പ്രധാന സവിശേഷ ദുരന്തമായി ശക്തമായ കാറ്റിനെ മാറ്റിയിട്ടുണ്ട്.മരങ്ങളും മരച്ചില്ലകളും ഒടിഞ്ഞുവീണ് അപകടങ്ങള് ഉണ്ടാകാൻ സാധ്യതയുള്ളതിനാല് കാറ്റുള്ള സമയത്ത് ജനങ്ങള് സുരക്ഷിത സ്ഥാനങ്ങളിലേക്ക് മാറണം. കടലില് മോശം കാലാവസ്ഥ നിലനില്ക്കുന്നതിനാല് മത്സ്യത്തൊഴിലാളികള് ഒരു കാരണവശാലും കടലില് പോകരുതെന്ന് നിർദേശമുണ്ട്. തിരുവനന്തപുരം, കൊല്ലം, ആലപ്പുഴ, തൃശൂർ എന്നീ ജില്ലകളിലെ തീരപ്രദേശങ്ങളില് കടലാക്രമണത്തിന് സാധ്യതയുള്ളതിനാല് തീരദേശവാസികള് കൂടുതല് ജാഗ്രത പാലിക്കണം.