പത്തനംതിട്ട ജില്ലയില് ആദ്യമായി ഷിഗെല്ല സ്ഥിരീകരിച്ചു. എഴിക്കാട് ഉന്നതിയിലെ പത്തുവയസ്സുകാരിക്കാണ് രോഗബാധ സ്ഥിരീകരിച്ചിരിക്കുന്നത്.
കുട്ടി നിലവില് കോഴഞ്ചേരി ജില്ലാ ആശുപത്രിയില് ചികിത്സയിലാണ്. ആരോഗ്യനില തൃപ്തികരമാണെന്നാണ് ലഭിക്കുന്ന റിപ്പോര്ട്ട്. ഷിഗെല്ല സ്ഥിരീകരിച്ച സാഹചര്യത്തില് എവിക്കാട് ഉന്നതിയില് ശുചീകരണപ്രവര്ത്തനങ്ങള് നടത്തുമെന്ന് ആരോഗ്യവകുപ്പ് അറിയിച്ചു.
അതേസമയം, സംസ്ഥാനത്ത് ഷിഗെല്ല ബാധിതരുടെ എണ്ണം ഉയരുകയാണ്. ഇന്നലെ ആറ് പേര്ക്കാണ് ഷിഗെല്ല സ്ഥിരീകരിച്ചത്. കോഴിക്കോട് ജില്ലയില് നാല് പേര്ക്കും പാലക്കാട്, പത്തനംതിട്ട ജില്ലകളില് ഒരാള്ക്ക് വീതവുമാണ് പുതുതായി രോഗബാധ റിപ്പോര്ട്ട് ചെയ്തത്. ജൂണ് മാസത്തില് മാത്രം 200 ലധികം പേര്ക്കാണ് സംസ്ഥാനത്ത് ഷിഗെല്ല സ്ഥിരീകരിച്ചത്. ആറ് മരണങ്ങളും റിപ്പോര്ട്ട് ചെയ്തു.