സംസ്ഥാനത്ത് സ്വർണവിലയില് ഇന്ന് വൻ ഇടിവ്. ഒരു ഗ്രാം സ്വർണത്തിന് 155 രൂപ കുറഞ്ഞ് 13,215 രൂപയായി.
ഒരു പവന് 1240 രൂപ കുറഞ്ഞ് 1,05,720 രൂപയിലെത്തി. ഇന്നലെ ഗ്രാമിന് 85 രൂപ വർദ്ധിച്ച് 13,370 രൂപയായിരുന്നു. കഴിഞ്ഞ ആഴ്ച മുതലാണ് സ്വർണ നിരക്കില് വർദ്ധനവ് രേഖപ്പെടുത്തിയത്.
രാജ്യാന്തര വിപണിയിലും സ്വർണവില ഉയരുന്ന സാഹചര്യമാണുള്ളത്. പശ്ചിമേഷ്യയിലെ സംഘർഷം തുടരുന്ന സാഹചര്യത്തില് സ്വർണവിലയില് അത് പ്രതിഫലിക്കാനുള്ള സാദ്ധ്യതയുണ്ടെന്നാണ് വിദഗ്ധർ വിലയിരുത്തുന്നത്. കേരളത്തില് വിവാഹ സീസണ് അടുക്കുന്ന സാഹചര്യത്തില് സ്വർണത്തിന്റെ വില കുറയുന്നത് വാങ്ങുന്നവർക്ക് വലിയ ആശ്വാസമാണ്.
വെള്ളിവില
സംസ്ഥാനത്ത് വെള്ളിവിലയിലും ഇന്ന് ഇടിവ് രേഖപ്പെടുത്തി. ഒരു ഗ്രാം വെള്ളിക്ക് ഇന്ന് അഞ്ച് രൂപ കുറഞ്ഞ് 235 രൂപയായി. 10 ഗ്രാമിന് 2,350 രൂപയും ഒരു കിലോഗ്രാമിന് 2,35,000 രൂപയുമാണ് വിപണി വില.