ഇന്നലെ രാത്രി എട്ട് മണിക്കാണ് ബസ് പിടിച്ചത്. ഇതിന് പിന്നില് കൃത്യമായ അജണ്ട ഉണ്ടെന്നും അല്ലെങ്കില് ഇത്രയും നാള് ബസ് ഓടാൻ സാധിക്കുമോയെന്നും ഗിരീഷ് ചോദിച്ചു. 2003 മുതല് കോടതി ഉത്തരവിലാണ് ബസ് ഓടുന്നത്. കോടതി ഉത്തരവ് എഴുതിത്തരികയാണ് പതിവ്. പെർമിറ്റിന് എല്ലാ തവണയും അപേക്ഷ നല്കുന്നുണ്ട്. ജൂണ് പത്താം തീയതി അപേക്ഷ പുതുക്കിക്കിട്ടി. ഇപ്പോള് നാല് ബസുകളുണ്ട്. അതില് ഒരു ബസ് മാത്രമാണ് കോടതി ഉത്തരവ് പ്രകാരം ഓടുന്നത്. ജയപ്രകാശ് എന്ന ഉദ്യോഗസ്ഥനാണ് അന്യായമായി ബസ് പിടിച്ചതെന്നും ഗിരീഷ് പറഞ്ഞു.
എന്നാല്, കോടതി ഉത്തരവ് പ്രകാരം റോബിൻ ബസുടമ പെർമിറ്റിന് അപേക്ഷ നല്കിയിട്ടുണ്ടെങ്കിലും ഫീസ് അടച്ചിട്ടില്ലെന്നാണ് കോട്ടയം ആർടിഒ ജയരാജ് പറഞ്ഞത്. ഫീസ് അടച്ചാല് മാത്രമേ പെർമിറ്റ് നല്കാനാകൂ. അതിനാല്, പെർമിറ്റില്ലാത്ത ബസ് പിടിച്ചെടുക്കാൻ എംവിഡിക്ക് അധികാരമുണ്ടെന്നും ആർടിഒ പറഞ്ഞു