പ്രധാനമന്ത്രി നരേന്ദ്ര മോദിക്ക് കേന്ദ്ര മന്ത്രിസഭയുടെ പ്രശംസ. തെരഞ്ഞെടുക്കപ്പെട്ട് തുടർച്ചയായി ഏറ്റവും കൂടുതല് കാലം പ്രധാനമന്ത്രി സ്ഥാനത്തിരുന്ന നേതാവെന്ന റെക്കോർഡ് നേടിയതിനാണ് മന്ത്രിസഭ മോദിയെ ആദരിച്ചത്.
മോദിയെ പ്രകീർത്തിച്ച് പ്രമേയം പാസാക്കിയ മന്ത്രിമാർ എഴുന്നേറ്റ് നിന്ന് കൈയ്യടിച്ചാണ് ആദരവ് അറിയിച്ചത്. എൻഡിഎ മുഖ്യമന്ത്രിമാരുടെയും ഉപമുഖ്യമന്ത്രിമാരുടെയും കക്ഷി നേതാക്കളുടെയും യോഗവും ഇന്ന് ദില്ലിയിലെ ഭാരത് മണ്ഡപത്തില് ചേരുന്നുണ്ട്.
തെരഞ്ഞെടുപ്പില് വിജയിച്ച് 4398 ദിവസമാണ് ജവഹർലാല് നെഹ്റു പ്രധാനമന്ത്രി പദത്തില് തുടർച്ചയായി ഇരുന്നത്. ഇതാണ് നരേന്ദ്ര മോദി ഇന്ന് മറികടന്നത്. അഴിമതിയുടെ കറ പുരളാത്ത നേതാവാണ് മോദിയെന്ന് ബീഹാർ മുൻ മുഖ്യമന്ത്രി നിതീഷ് കുമാർ പുകഴ്ത്തി.