വിപുലമായ ആഘോഷമാണ് കോട്ടയം റെഡ് ക്രോസ്സ് സൊസ്സൈറ്റി സംഘടിപ്പിക്കുന്നത്, ഇന്ന് രാവിലെ നടക്കുന്ന സമ്മേളനത്തിൽ ജില്ലാ ചെയർമാൻ ജോബി തോമസ് ആദ്യക്ഷത വഹിക്കുന്ന ചടങ്ങ് സംസ്ഥാന ചെയർമാൻ അഡ്വ. കെ രാധാകൃഷ്ണൻ ഉദ്ഘാടനം ചെയ്യും.ചടങ്ങിൽ സേവനം പൂർത്തിയാക്കിയ അധ്യാപകരെ ആദരിക്കും.
1828 മെയ് 8ന് ആണ് ജീൻ ഹെൻറി ഡുനാൻ്റ് ജനീവ നഗരത്തില് ജനിക്കുന്നത്. 1901ല് ജീൻ ഹെൻറിക്ക് സമാധാനത്തിനുള്ള നോബെല് സമ്മാനം ലഭിച്ചു. 1863ല് ഇന്റര്നാഷണല് കമ്മറ്റി ഓഫ് റെഡ് ക്രോസ് സ്ഥാപിക്കുകയും 1920ല് സമാന സംഘടന ഇന്ത്യയില് സ്ഥാപിക്കുകയും ചെയ്തു. ഇന്ത്യൻ റെഡ് ക്രോസ് സൊസൈറ്റി എന്നാണ് പേര് നല്കിയത്. “മാനവികതയെ സജീവമായി നിലനിർത്തുക” (Keeping Humanity Alive) എന്നതാണ് ഈ വർഷത്തെ പ്രമേയം.1859ല് ഇറ്റലിയില് യുദ്ധം നടന്നു. ഇതിന് പിന്നാലെ നിരവധി സൈനികർ മരിക്കുകയും ഒരുപാട് പേർക്ക് പരുക്കേല്ക്കുകയും ചെയ്തു. ഈ സൈനികരെ ഹെൻറി സഹായിക്കുകയും 1863ല് ഒരു കമ്മിറ്റി രൂപീകരിക്കുകയും ചെയ്തു. റെഡ് ക്രോസ് ഇന്റര്നാഷണല് കമ്മിറ്റി എന്ന പേരും നല്കി.എന്താണ് റെഡ് ക്രോസ്?
പ്രകൃതി ദുരന്തങ്ങള്, പകർച്ച വ്യാധികള്, യുദ്ധങ്ങള് എന്നിവയുണ്ടാകുമ്പോള് ലാഭേച്ഛയില്ലാതെ വിവേചനം കൂടാതെ ആളുകളെ സഹായിക്കുന്ന സംഘടനയാണ് റെഡ് ക്രോസ്.
തത്വങ്ങള്
സന്നദ്ധ സേവനം, ഐക്യം, സാര്വത്രികത, മാനവികത, നിഷ്പക്ഷത, സ്വാതന്ത്ര്യം,
എന്നീ ഏഴ് തത്വങ്ങളില് അധിഷ്ഠിതമായാണ് റെഡ് ക്രോസ് പ്രവര്ത്തിക്കുന്നത്.