സായ് സുദര്ശന്റെ സെഞ്ച്വറിയിലേറി 206 റണ്സിന്റെ വിജയലക്ഷ്യമാണ് ആര്സിബിക്കു ജിടി നല്കിയത്. മറുപടിയില് തുടക്കത്തില് ആയുസ് നീട്ടിക്കിട്ടിയ ശേഷം ഇതു മുതലാക്കി വിരാട് കോലി (81) ഹീറോയായപ്പോള് ആര്സിബി ഏഴു ബോള് ശേഷിക്കെ അഞ്ചു വിക്കറ്റിനു ലക്ഷ്യം മറികടന്നു.
44 ബോളില് എട്ടുറ ഫോറും നാലു സിക്സറുമടക്കമാണ് അദ്ദേഹം ടീമിന്റെ അമരക്കാരനായത്. ദേവ്ദത്ത് പടിക്കലും 55 (27 ബോള്, 6 സിക്സ്, 2 ഫോര്) വിജയത്തില് നിര്ണായക പങ്കുവഹിച്ചു. രണ്ടാം വിക്കറ്റില് കോലി- ദേവ്ദത്ത് ജോടി 59 ബോളില് വാരിക്കൂട്ടിയ 115 റണ്സാണ് ആര്സിബിയുടെ വിജയത്തിനു അടിത്തറയിട്ടത്