എന്നാല് ഇപ്പോഴത്തെ നിലയ്ക്ക് ഇത് സാധ്യമല്ല. 543 സീറ്റില് മൂന്നിലൊന്ന് സ്ത്രീകള്ക്ക് നല്കുന്നതേ അംഗീകരിക്കൂ എന്ന നിലപാടില് പ്രതിപക്ഷം ഉറച്ച് നില്ക്കുകയാണ്. എന്നാല്, സ്ത്രീകളുടെ അവകാശം ഉറപ്പിക്കാൻ സർക്കാർ നോക്കുമ്പോള് സാങ്കേതിക കാരണം പറഞ്ഞ് ഇത് പ്രതിപക്ഷം തടയുന്നു എന്നതാണ് പ്രധാനമന്ത്രിയും ബിജെപിയും ഉയർത്തുന്ന പ്രധാന വാദം.
ഇന്ന് പുലർച്ചെ ഒരു മണി വരെ പാർലമെന്റില് വനിതാ ബില്ലില് ചർച്ചകളുണ്ടായിരുന്നു. . വളഞ്ഞ വഴിയിലൂടെ ഭരണം പിടിക്കാനുള്ള ശ്രമമാണ് സർക്കാർ നടത്തുന്നത് എന്നായിരുന്നു ഫ്രാൻസിസ് ജോർജിന്റെ വിമർശനം. ബില് പാസാകുമെന്ന പ്രതീക്ഷയിലാണ് ബിജെപി ക്യാംപ്.