ഏറ്റുമാനൂരിലെ ട്വന്റി 20 സ്ഥാനാര്ത്ഥി വീണ നായര്ക്കും വോട്ടില്ല, പെരുമ്പാവൂരില് ലക്ഷ്മി പ്രിയയെ മാറ്റും, പുതിയ സ്ഥാനാര്ത്ഥി വരും
വീണയ്ക്ക് പകരം സ്ഥാനാര്ത്ഥിയെ കണ്ടെത്താനുള്ള ശ്രമം ട്വന്റി 20 തുടങ്ങിയെന്നാണ് വിവരം. നാളെ നാമനിര്ദേശ പത്രിക നല്കാനുള്ള തയ്യാറെടുപ്പുകള്ക്കിടെയാണ് വോട്ടര് പട്ടികയില് പേരില്ലെന്ന് മനസിലാകുന്നത്. ചങ്ങനാശ്ശേരി മണ്ഡലത്തില് വോട്ട് ഉണ്ടെന്നാണ് നടി വീണ നായർ കരുതിയിരുന്നത്. അവിടെ വോട്ട് ചെയ്തിരുന്നു എന്ന് വീണ നായര് നേതാക്കളോട് പറഞ്ഞിട്ടുണ്ട്.
പെരുമ്പാവൂരിലെ ട്വന്റി 20 സ്ഥാനാര്ത്ഥി ലക്ഷ്മി പ്രിയക്കും വോട്ടില്ലെന്ന വിവരം പുറത്തുവന്നിരുന്നു. വോട്ടേഴ്സ് ലിസ്റ്റില് ലക്ഷ്മി പ്രിയയുടെ പേരുണ്ടായിരുന്നില്ല. പെരുമ്പാവൂരിലെ സ്ഥാനാർഥിയെ മാറ്റാനുള്ള തീരുമാനത്തിലാണ് ട്വന്റി 20. പെരുമ്പാവൂരിലെ കോണ്ഗ്രസ് നേതാവ് പരിഗണനയിലുണ്ട്.