ടോണി വർക്കിച്ചന്റെ നേതൃപാടവത്തിൽ മറ്റൊരു നാഴികക്കല്ലു കൂടി പിന്നിടുകയാണ് അച്ചായൻസ് ഗോൾഡ്. വളരെ കുറഞ്ഞ കാലം കൊണ്ട് തന്നെ മദ്ധ്യതിരുവിതാംകൂറിലെ ഏറ്റവും വലിയ സ്വർണവ്യാപാരസ്ഥാപനമായി അച്ചായൻസ് ഗോൾഡിനെ മാറ്റി എടുക്കാൻ ടോണി വർക്കിച്ചന് കഴിഞ്ഞു. ഇപ്പോൾ ഇതാ തങ്ങളുടെ സ്ഥാപനത്തിന്റെ നാൽപ്പത്തിയൊന്നാമത് ഷോറൂം റാന്നിയിൽ ഉദ്ഘാടനം ചെയ്തിരിക്കുകയാണ്. പ്രശസ്ത സിനിമാതാരം ആശ ശരത്തും ടോണി അച്ചായനും ഉദ്ഘാടനം നിർവഹിച്ച ഷോറൂം റാന്നിക്കാരുടെ സ്വർണ്ണ സങ്കൽപ്പങ്ങൾക്ക് ഇനി മാറ്റ് കൂട്ടും. ഇന്നലെ വൈകുന്നേരം 5 മണിക്ക് നടന്ന ഉദ്ഘാടനത്തെ തുടർന്ന് 15 ഭാഗ്യശാലികൾക്ക് പതിനായിരം രൂപ വീതം സമ്മാനവും ടോണി വർക്കിച്ചൻ വിതരണം ചെയ്തു.