ബാഗിന് അമിതഭാരം തോന്നി പരിശോധിച്ചപ്പോഴാണ് പാമ്ബിനെ കണ്ടത്. എളമക്കര സ്വദേശി റിന്ഷാദ് പാമ്ബിനെ പിടികൂടി വനം വകുപ്പിന് കൈമാറി.
ഇന്നലെ വൈകിട്ട് ട്യൂഷന് കഴിഞ്ഞ് എത്തിയ കുട്ടി വീട്ടിലെ ഹാളില് മേശക്ക് താഴെ ബാഗ് വച്ചിരുന്നു. ഇന്ന് രാവിലെ വീട്ടുജോലിക്കാരി മുറി അടിച്ചു വാരുന്നതിനിടെ മേശക്ക് താഴെയിരുന്ന ബാഗ് എടുക്കാന് ശ്രമിച്ചപ്പോഴാണ് ബാഗിനു ഭാരം തോന്നിയത്. തുറന്നു നോക്കിയപ്പോഴാണ് പാമ്ബിനെ കാണുന്നത്. ഇത് വീട്ടിലുള്ളവരെ പരിഭ്രാന്തരാക്കി. തുടര്ന്ന് വീട്ടുകാര് കുട്ടിയുടെ സ്കൂള് ബാഗ് മുറ്റത്തേക്ക് എറിയുകയും കുറേയധികം ചാക്കിട്ട് മൂടുകയുമായിരുന്നു.
ഉടന് തന്നെ വനം വകുപ്പിന്റെ സര്പ്പ റെസ്ക്യൂ ടീമിലെ പാമ്ബ് പിടുത്ത വിദഗ്ധരെ വിവരം അറിയിച്ചു. എളമക്കര സ്വദേശി റിന്ഷാദ് എത്തി മൂര്ഖന് പാമ്ബിനെ പിടികൂടി വനം വകുപ്പിന് കൈമാറി. അന്തരീക്ഷം ചൂടായപ്പോള് വീടിനകത്തെ തണുപ്പിലേക്ക് കയറിയ മൂര്ഖന് പാമ്ബ് ബാഗില് കയറിയതാകാം എന്നാണ് കരുതുന്നത്.