പരുന്തിന്റെ മുകളിലെ കുരുവി ജോസ് കെ മാണിയും കൂട്ടരുമാണെന്ന് മോൻസ് ജോസഫ് മറുപടി നല്കി. പരുന്തിന്റെ മുകളില് നിന്ന് താഴെ വീണു ചതഞ്ഞരഞ്ഞ് പോയവരാണ് ജോസ് കെ മാണിയും കൂട്ടരും. ജോസ് കെ മാണി ഇല്ലാതെയാണ് യുഡിഎഫ് തദ്ദേശ തെരഞ്ഞെടുപ്പില് കരുത്ത് കാട്ടിയത്. ജോസ് കെ മാണി വിഭാഗത്തെ മുന്നണിയിലേക്ക് ക്ഷണിക്കുന്നത് യുഡിഎഫ് നേതാക്കള് അവസാനിപ്പിക്കണമെന്നും മോൻസ് ജോസഫ് ആവശ്യപ്പെട്ടു.
സ്വന്തം അവസ്ഥ ഓർത്ത് ജോസ് കെ മാണി പരിതപിക്കുകയാണെന്ന് മോൻസ് കെ ജോസഫ് പറഞ്ഞു. പാലാ നഗരസഭ കേരളാ കോണ്ഗ്രസിന് നഷ്ടമായി. ഇടുക്കിയിലെ വിജയത്തിന്റെ ക്യാപ്റ്റൻ പി ജെ ജോസഫാണ്. യുഡിഎഫ് കരുത്ത് കാട്ടിയത് ജോസ് കെ മാണി ഇല്ലാതെയാണ്. ജോസ് കെ മാണിയുടെ പിന്നാലെ നടക്കേണ്ടതില്ല. യുഡിഎഫ് നേതാക്കള് പരസ്യമായി ക്ഷണിക്കുന്നതും ശരിയല്ലെന്ന് മോൻസ് ജോസഫ് പ്രതികരിച്ചു.
കേരള കോണ്ഗ്രസിന്റെ യുഡിഎഫ് പ്രവേശനത്തെ എതിർത്ത് കോട്ടയം ഡിസിസി പ്രസിഡന്റ് നാട്ടകം സുരേഷ്. നിലവില് ജില്ലയില് ശക്തമല്ലാത്ത പാർട്ടിയാണ് കേരള കോണ്ഗ്രസ് എന്ന് നാട്ടകം സുരേഷ് പറഞ്ഞു. അവരുടെ ശക്തികേന്ദ്രങ്ങളിലെല്ലാം യുഡിഎഫ് ജയിച്ചു. ഒരു കാരണവും ഇല്ലാതെ മുന്നണി വിട്ടുപോയ ജോസ് കെ മാണിയെ തിരിച്ചെടുക്കണോ എന്നതില് സംസ്ഥാന നേതൃത്വം ഉചിതമായ തീരുമാനം എടുക്കണമെന്നും നാട്ടകം സുരേഷ് പറഞ്ഞു.