തൃശൂർ: ലൈംഗികാതിക്രമ പരാതിയിൽ സ്വകാര്യ സ്കൂൾ അധ്യാപകൻ അറസ്റ്റിൽ. മലപ്പുറം വാണിയമ്പലം മടശ്ശേരി സ്വദേശി മുൻസാഫിറാണ് അറസ്റ്റിലായത്. കുന്നംകുളത്തെ സ്വകാര്യ സ്കൂലെ ഏഴ് വിദ്യാർഥികൾ ചൈൽഡ് ലൈനിന് നൽകിയ പരാതിയിലാണ് നടപടി.
ആൺകുട്ടികളെ പ്രകൃതിവിരുദ്ധ പീഡനത്തിനിരയാക്കിയ കേസിൽ ഹോസ്റ്റൽ വാർഡൻ കൂടിയായ അധ്യാപകനെയാണ് പൊലീസ് പിടികൂടിയത്. കഴിഞ്ഞ ഒരു വർഷത്തിനിടയിലായിരുന്നു പീഡനം. തൃശൂർ കുന്നംകുളത്തെ സ്വകാര്യ സ്കൂളിലെ താൽക്കാലിക അധ്യാപകനും ഹോസ്റ്റൽ വാർഡനുമായിരുന്നു ഇയാൾ.
സ്കൂളിലെ ഏഴ് ഹൈസ്കൂൾ വിദ്യാർഥികൾക്കെതിരെയാണ് ഇയാൾ ലൈംഗികാതിക്രമം നടത്തിയത്. വിദ്യാർഥികൾ തന്നെ നേരിട്ട് ചൈൽഡ് ലൈനിന് പരാതി നൽകിയതോടെയാണ് സംഭവം പുറംലോകമറിഞ്ഞത്. താൽക്കാലിക അധ്യാപകനായി കഴിഞ്ഞ ഒരു വർഷമായി ഇയാൾ സ്കൂളിൽ ജോലി ചെയ്തു വരികയായിരുന്നു. ചൈൽഡ് ലൈൻ വിവരമറിയിച്ചതിനെ തുടർന്നാണ് കുന്നംകുളം പൊലീസ് പ്രതിയെ കസ്റ്റഡിയിലെടുത്തത്.