ഉത്തർപ്രദേശിലെ സുൽത്താൻപുർ സ്വദേശികളായ രോഹിത് (29), ശാന്ത്രി (37) എന്നിവരാണ് പിടിയിലായത്.കൊച്ചിൻ ഷിപ്പ്യാർഡിൽ കരാർ തൊഴിലാളിയായി ജോലി ചെയ്തിരുന്ന കാലത്ത് ഇന്ത്യൻ നാവികസേനയുടെ കപ്പലുകളുടെ എണ്ണം ഉൾപ്പെടെ നിരവധി രഹസ്യ വിവരങ്ങൾ രോഹിത് വാട്സ്ആപ്പ് വഴി പാകിസ്ഥാന് കൈമാറിയിരുന്നുവെന്നാണ് അന്വേഷണത്തിൽ കണ്ടെത്തിയത്.
കൊച്ചിൻ ഷിപ്പ്യാർഡ് മാൽപെ-ഉഡുപ്പി സി.ഇ.ഒ. പോലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിലാണ് പ്രതികളെ അറസ്റ്റ് ചെയ്തത്. അറസ്റ്റിലായ രോഹിത്, മെസ്സേഴ്സ് സുഷ്മ മറൈൻ പ്രൈവറ്റ് ലിമിറ്റഡ് എന്ന കമ്ബനിയിലെ ജീവനക്കാരനാണ്. കൊച്ചിൻ ഷിപ്പ്യാർഡ് മാൽപെ-ഉഡുപ്പി യൂണിറ്റിൽ കരാർ ജോലി ഏറ്റെടുത്ത കമ്ബനിയാണിത്. നിലവിൽ മാൽപെ-ഉഡുപ്പി ഷിപ്പ്യാർഡിൽ ഇൻസുലേറ്ററായി ജോലി ചെയ്യുകയായിരുന്നു.
രോഹിത് മുൻപ് കൊച്ചിൻ ഷിപ്പ്യാർഡിൽ കരാർ തൊഴിലാളിയായി ജോലി ചെയ്തിട്ടുണ്ട്.