കോട്ടയം: ചിങ്ങവനം - കോട്ടയം സെക്ഷനിൽ അറ്റകുറ്റപ്പണി നടക്കുന്നതിനാൽ സെപ്റ്റംബർ 20ന് ഇതുവഴിയുള്ള ട്രെയിൻ സർവീസുകളിൽ മാറ്റം വരുത്തി. ചില ട്രെയിനുകൾ വഴിതിരിച്ചു വിട്ടപ്പോൾ മറ്റു ചിലത് ഭാഗികമായി റദ്ദാക്കി. രണ്ടു ട്രെയിനുകൾ പുറപ്പെടുന്ന സ്റ്റേഷനിലും മാറ്റമുണ്ട്.
ട്രെയിൻ നമ്പർ 12624 തിരുവനന്തപുരം സെൻട്രൽ - ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ് സെപ്റ്റംബർ 20ന് ആലപ്പുഴ വഴി സർവിസ് നടത്തും. ആലപ്പുഴ, ചേർത്തല, എറണാകുളം എന്നീ സ്റ്റേഷനുകളിൽ സ്റ്റോപ്പ് ഉണ്ടാകും.
ട്രെയിൻ നമ്പർ 16312 തിരുവനന്തപുരം നോർത്ത് - ശ്രീ ഗംഗാനഗർ എക്സ്പ്രസ് സെപ്റ്റംബർ 20ന് ആലപ്പുഴ വഴി സർവിസ് നടത്തും. ആലപ്പുഴ, എറണാകുളം ജംക്ഷൻ എന്നിവിടങ്ങളിൽ സ്റ്റോപ്പ് ഉണ്ടാകും.
ട്രെയിൻ നമ്പർ 16319 തിരുവനന്തപുരം നോർത്ത് - എസ്എംവിടി ബംഗളൂരു ഹംസഫർ എക്സ്പ്രസ് സെപ്റ്റംബർ 20ന് ആലപ്പുഴ വഴി സർവിസ് നടത്തും. ആലപ്പുഴ, എറണാകുളം ജംക്ഷൻ എന്നിവിടങ്ങളിൽ സ്റ്റോപ്പ് ഉണ്ടാകും.
ട്രെയിൻ നമ്പർ 22503 കന്യാകുമാരി - ദിബ്രുഗഡ് വിവേക് എക്സ്പ്രസ് സെപ്റ്റംബർ 20ന് ആലപ്പുഴ വഴി സർവിസ് നടത്തും. ആലപ്പുഴ, എറണാകുളം എന്നിവിടങ്ങളിൽ സ്റ്റോപ്പ് ഉണ്ടാകും.
ട്രെയിൻ നമ്പർ 16343 തിരുവനന്തപുരം - സെൻട്രൽ മധുര അമൃത എക്സ്പ്രസ് സെപ്റ്റംബർ 20ന് ആലപ്പുഴ വഴി സർവിസ് നടത്തും. ഹരിപ്പാട്, അമ്പലപ്പുഴ, ആലപ്പുഴ, ചേർത്തല, എറണാകുളം എന്നിവിടങ്ങളിൽ സ്റ്റോപ്പ് ഉണ്ടാകും.
ട്രെയിൻ നമ്പർ 16347 തിരുവനന്തപുരം സെൻട്രൽ - മംഗലാപുരം സെൻട്രൽ എക്സ്പ്രസ് സെപ്റ്റംബർ 20ന് ആലപ്പുഴ വഴി സർവിസ് നടത്തും. ഹരിപ്പാട്, അമ്പലപ്പുഴ, ആലപ്പുഴ, ചേർത്തല, എറണാകുളം എന്നിവിടങ്ങളിൽ സ്റ്റോപ്പ് ഉണ്ടാകും.
ഭാഗികമായി റദ്ദാക്കിയവ
ട്രെയിൻ നമ്പർ 12695 ചെന്നൈ സെൻട്രൽ - തിരുവനന്തപുരം സെൻട്രൽ സൂപ്പർ-ഫാസ്റ്റ് എക്സ്പ്രസ് സെപ്റ്റംബർ 19ന് കോട്ടയത്ത് യാത്ര അവസാനിപ്പിക്കും.
ട്രെയിൻ നമ്പർ 16327 മധുര - ഗുരുവായൂർ എക്സ്പ്രസ് സെപ്റ്റംബർ 20ന് കൊല്ലത്ത് യാത്ര അവസാനിപ്പിക്കും.
ട്രെയിൻ നമ്പർ 16366 നാഗർകോവിൽ - കോട്ടയം എക്സ്പ്രസ് സെപ്റ്റംബർ 20ന് ചങ്ങനാശേരിയിൽ യാത്ര അവസാനിപ്പിക്കും.
ട്രെയിൻ നമ്പർ 12696 തിരുവനന്തപുരം - സെൻട്രൽ ചെന്നൈ സെൻട്രൽ സൂപ്പർ-ഫാസ്റ്റ് എക്സ്പ്രസ് സെപ്റ്റംബർ 20ന് രാത്രി 8.05ന് കോട്ടയത്തുനിന്നും ട്രെയിൻ നമ്പർ 16328 ഗുരുവായൂർ - മധുര എക്സ്പ്രസ് സെപ്റ്റംബർ 21ന് പകൽ 12.10ന് കൊല്ലത്തുനിന്നാകും പുറപ്പെടുക.