കുടവയർ കുറയ്ക്കാനുള്ള ഓട്ടത്തിലാണോ? വ്യായാമം മാത്രം ചെയ്തിട്ടു കാര്യമില്ല, വയറ്റിൽ അടിഞ്ഞുകൂടിയ കൊഴുപ്പ് നീക്കാൻ ഡയറ്റിലും പ്രത്യേകം ശ്രദ്ധിക്കേണ്ടതുണ്ട്. വയറ്റിലെ കൊഴുപ്പ് നീക്കാൻ മൂന്ന് സിംപിൾ ഹെൽത്തി ഡ്രിങ്ക് പരീക്ഷിച്ചാലോ?.
മികച്ച ഫലം കിട്ടുന്നതിന് ഇവയ്ക്കൊപ്പം ആരോഗ്യകരമായ ഭക്ഷണക്രമവും ചിട്ടയായ വ്യായാമവും പാലിക്കേണ്ടത് പ്രധാനമാണെന്ന് ഫിറ്റ്നസ് കോച്ച് ആയ സ്വപ്ന ഗൊമ്ല ഇൻസ്റ്റഗ്രാമിൽ പങ്കുവെച്ച ഒരു വിഡിയോയിൽ പറയുന്നു.
കുക്കുമ്പർ ജ്യൂസ്
കുക്കുമ്പർ, നാരങ്ങ, പുതിന, ഇഞ്ചി എന്നിവയാണ് പ്രധാന ചേരുവകൾ.
തയ്യാറേക്കേണ്ട വിധം; മുകളിൽ പറഞ്ഞ ചേരുവകൾ അൽപം വെള്ളവും ചേർത്ത് മിക്സിയിൽ യോജിപ്പിച്ച ശേഷം, രാത്രി ഫ്രിഡ്ജിൽ സൂക്ഷിക്കുക. രാവിലെ വെറും വയറ്റിൽ കുടിക്കാം.
ഇത് ശരീരത്തിൽ ജലാംശം നിലനിർത്താനും വയറു വീർക്കൽ ഒഴിവാക്കും വിഷവസ്തുക്കളെ പുറന്തള്ളാൻ സഹായിക്കും.
ജീരകവെള്ളം
ജീരകം, പെരുംജീരകം, അയ്മോദകം, ഇഞ്ചി, നാരങ്ങ എന്നിവയാണ് പ്രധാന ചേരുവകൾ.
തയ്യാറേക്കേണ്ട വിധം; 1/2 ടീസ്പൂൺ ജീരകം, 1/2 ടീസ്പൂൺ പെരുംജീരകം, 1/2 ടീസ്പൂൺ അയ്മോദകം, 1/2 ടീസ്പൂൺ ഇഞ്ചി എന്നിവ രണ്ട് കപ്പ് വെള്ളത്തിൽ തിളപ്പിക്കുക. തണുപ്പിച്ച ശേഷം നാരങ്ങ പിഴിഞ്ഞു കുടിക്കാവുന്നതാണ്. ഭക്ഷണ ശേഷം കുടിക്കാവുന്നതാണ്.
ഇത് ദഹനം മെച്ചപ്പെടുത്താനും ഗ്യാസ് കുറയ്ക്കാനും ശരീരഭാരം കുറയ്ക്കാനും സഹായിക്കും.
കറുവപ്പട്ടയിട്ടു തിളപ്പിച്ച വെള്ളം
കറുവപ്പട്ട, ഗ്രാമ്പൂ, ഇഞ്ചി എന്നിവയിട്ട് തിളപ്പിച്ച വെള്ളം കുടിക്കുന്നത് മെറ്റബോളിസം വർധിപ്പിക്കുകയും രക്തത്തിലെ പഞ്ചസാരയെ നിയന്ത്രിക്കാനും സഹായിക്കും. രാവിലെയോ വൈകുന്നേരമോ ചൂടോടെ കുടിക്കാവുന്നതാണ്.