തൃശൂർ: മലക്കപ്പാറ ആദിവാസി ഉന്നതിയിൽ നാലു വയസ്സുള്ള കുട്ടിയെ പുലി ആക്രമിച്ചു. അച്ഛനും അമ്മയ്ക്കും ഒപ്പം കുടിലിൽ ഉറങ്ങുകയായിരുന്ന കുട്ടിയെയാണ് പുലി ആക്രമിച്ചത്.
മലക്കപ്പാറ വീരൻകുടി ആദിവാസി ഉന്നതിയിൽ പുലർച്ചെ 2.45 ഓടെയാണ് സംഭവം. ബേബി- രാധിക ദമ്പതികളുടെ മകൻ രാഹുലിനെയാണ് കുടിലിൽ കയറി പുലി കടിച്ചുകൊണ്ടുപോകാൻ ശ്രമിച്ചത്. വീട്ടുകാർ ബഹളം വെച്ചതോടെ പുലി ഓടി മറഞ്ഞു.
ചെറിയ പരിക്കുകളോടെ നാലു വയസ്സുകാരൻ രാഹുൽ രക്ഷപ്പെട്ടു. കുട്ടിയെ ചാലക്കുടി താലൂക്ക് ആശുപത്രിയിൽ പ്രവേശിപ്പിച്ചു. കുട്ടിയുടെ പരിക്ക് സാരമുള്ളതല്ലെന്നാണ് റിപ്പോർട്ട്.