സ്ഥലത്തെത്തിയ പൊലീസ് കാറും കാറിലുണ്ടായിരുന്ന രണ്ട് യുവാക്കളെയും കസ്റ്റഡിയിലെടുത്തു. കോന്നി ആർവിഎച്ച്എസ്എസിൽ ഇന്നലെ രാവിലെ 9 മണിയോടെയായിരുന്നു സംഭവം. പൊലീസ് അന്വേഷണത്തില്‍ 10-ാം ക്ലാസിന്റെ യാത്രയയ്പ്പ് കൊഴുപ്പിക്കാന്‍ വിദ്യാര്‍ഥികളാണ് കാര്‍ വാടകയ്ക്കെടുത്തതെന്ന് കണ്ടെത്തി.
യാത്രയയപ്പിൽ ഫോട്ടോഷൂട്ടിനും അഭ്യാസപ്രകടനം നടത്താനാണ് വിദ്യാര്‍ഥികള്‍ കാര്‍ എത്തിച്ചത് . 2000 രൂപ വാകടയ്ക്കാണ് യുവാക്കള്‍ കാര്‍ എത്തിച്ചത്.
പത്തനംതിട്ട സ്വദേശിയായ ജോസ് അജി (19) ആണ് കാർ ഓടിച്ചിരുന്നത്. കൂടെയുണ്ടായിരുന്നത് പത്തനംതിട്ട സ്വദേശി ജുവൽ തോമസും (19). ഇവർക്കെതിരെ അപകടകരമായ രീതിയിൽ വാഹനം ഓടിച്ചതിനും സ്കൂളിൽ അനുവാദമില്ലാതെ അതിക്രമിച്ചു കടന്ന് അഭ്യാസപ്രകടനം നടത്തിയതിനും കേസെടുത്തിട്ടുണ്ട്. ഇവരുടെ അറസ്റ്റ് രേഖപ്പെടുത്തി ജാമ്യത്തിൽ വിട്ടതായി ഇൻസ്പെക്ടർ പി.ശ്രീജിത്ത് പറഞ്ഞു.