പാലക്കാട് ട്രോളി ബാ​ഗുമായി ആഘോഷത്തിൽ യുഡിഎഫ് പ്രവർത്തകർ; വോട്ടെണ്ണൽ നാലാം റൗണ്ടിലേക്ക്

 

സംസ്ഥാനത്തെ ഉപതെരഞ്ഞെടുപ്പ് ഫലം ഇന്ന് പുറത്തുവരും. വയനാട് ലോക്‌സഭാ മണ്ഡലത്തിലെയും പാലക്കാട്, ചേലക്കര നിയമസഭാ മണ്ഡലങ്ങളിലെയും വിജയികൾ ആരെന്ന് ഇന്നറിയാം. പാലക്കാട്, ചേലക്കര, വയനാട് ഉപതെരഞ്ഞെടുപ്പിൻറെ വോട്ടെണ്ണൽ ആരംഭിച്ചു. തപാൽ വോട്ടുകളാണ് ആദ്യം എണ്ണിയത്.

ഇവിഎം വോട്ടുകളുടെ ആദ്യ സൂചനകൾ പുറത്തുവന്ന ചേലക്കരയിൽ എൽഡിഎഫിന്റെ യുആർ പ്രദീപ് മുന്നിലാണ്. നിലവിൽ യു ആർ പ്രദീപ്  5800 വോട്ടുകൾക്ക് മുന്നിൽ.

പാലക്കാട് ഇവിഎം എണ്ണിത്തുടങ്ങിയപ്പോൾ സികൃഷ്ണകുമാറിന്റെ ലീഡ് 1000 കടന്നിരുന്നു എന്നാൽ രണ്ടാം റൗണ്ട് എണ്ണിത്തുടങ്ങിയപ്പോൾ രാഹുൽ മാങ്കൂട്ടത്തിൽ ലീഡെടുത്തു. നിലവിൽ 1400 വോട്ടുകൾക്ക് മുന്നിലാണ് രാഹുൽ. വയനാട്ടിൽ പ്രിയങ്കയുടെ ലീഡ് 60000 എത്തുന്നു.