സംസ്ഥാനത്ത് ഇന്ന് സ്വർണവിലയില്‍ നേരിയ വർധനവ് രേഖപ്പെടുത്തി. 22 കാരറ്റ് ഒരു ഗ്രാം സ്വർണത്തിന് 20 രൂപയും പവന് 80 രൂപയുമാണ് വർധിച്ചതെന്ന് കേരള ഗോള്‍ഡ് ആൻഡ് സില്‍വർ മെർച്ചന്റ്സ് അസോസിയേഷൻ പുറത്തുവിട്ട കണക്കുകള്‍ വ്യക്തമാക്കുന്നു.
വില വർധിച്ചതോടെ സ്വർണം ഗ്രാമിന് 13,070 രൂപയിലും പവന് 1,04,560 രൂപയിലുമാണ് വ്യാപാരം പുരോഗമിക്കുന്നത്.കഴിഞ്ഞ രണ്ട് ദിവസങ്ങളിലായി സ്വർണവിലയില്‍ പവന് 2,640 രൂപയുടെ വൻ ഇടിവ് രേഖപ്പെടുത്തിയിരുന്നു. അന്താരാഷ്ട്ര വിപണിയില്‍ സ്വർണവില ട്രോയ് ഔണ്‍സിന് 4,000 ഡോളറിന് താഴേക്ക് എത്തിയതാണ് പ്രാദേശിക വിപണിയിലും പ്രതിഫലിച്ചത്. അന്താരാഷ്ട്ര വിപണിയിലെ കയറ്റിറക്കങ്ങളാണ് സംസ്ഥാനത്തെയും സ്വർണവിലയെ പ്രധാനമായി സ്വാധീനിക്കുന്നത്.അതേസമയം, സംസ്ഥാനത്ത് വെള്ളി വിലയില്‍ മാറ്റമില്ലാതെ തുടരുകയാണ്. നിലവില്‍ ഒരു ഗ്രാം വെള്ളിക്ക് 20 രൂപയും 10 ഗ്രാം വെള്ളിക്ക് 2,200 രൂപയും എന്ന നിരക്കിലാണ് വിപണിയില്‍ വ്യാപാരം നടക്കുന്നത്.