സംസ്ഥാനത്തെ അഞ്ച് മന്ത്രിമാർക്ക് തങ്ങളുടെ സ്വകാര്യ വാഹനങ്ങള്‍ ഔദ്യോഗിക ആവശ്യങ്ങള്‍ക്കായി ഉപയോഗിക്കാൻ പൊതുഭരണ വകുപ്പിന്റെ അനുമതി.
വ്യവസായ മന്ത്രി പി.കെ. കുഞ്ഞാലിക്കുട്ടിക്ക് മൂന്ന് സ്വകാര്യ വാഹനങ്ങളില്‍ ഔദ്യോഗിക നമ്പർ പ്ലേറ്റ് പതിച്ച്‌ ഉപയോഗിക്കാനാണ് അനുമതി നല്‍കിയിരിക്കുന്നത്.
വിവരാവകാശ നിയമപ്രകാരം നല്‍കിയ മറുപടിയിലാണ് പൊതുഭരണ വകുപ്പ് ഇക്കാര്യം സ്ഥിരീകരിച്ചത്. പി.കെ. കുഞ്ഞാലിക്കുട്ടിക്ക് പുറമേ മന്ത്രിമാരായ രമേശ് ചെന്നിത്തല, പി.കെ. ബഷീർ, കെ.എം. ഷാജി, വി.ഇ. അബ്ദുല്‍ ഗഫൂർ എന്നിവരുടെ അപേക്ഷകളിലാണ് സർക്കാർ അനുകൂല തീരുമാനമെടുത്തത്.
സ്വകാര്യ വാഹനങ്ങളില്‍ ഔദ്യോഗിക നമ്പർ പ്ലേറ്റ് ഉപയോഗിക്കാൻ അനുമതിയുണ്ടെങ്കിലും ഇതിന്റെ ഇന്ധനച്ചെലവോ അറ്റകുറ്റപ്പണികള്‍ ഉള്‍പ്പെടെയുള്ള മറ്റ് ചെലവുകളോ സർക്കാർ വഹിക്കില്ലെന്ന് ഉത്തരവില്‍ വ്യക്തമാക്കുന്നു. കൂടാതെ, മന്ത്രിമാർ നേരിട്ട് യാത്ര ചെയ്യുന്ന സമയങ്ങളില്‍ മാത്രമേ സ്വകാര്യ വാഹനങ്ങളില്‍ ഔദ്യോഗിക നമ്പർ പ്ലേറ്റ് സ്ഥാപിക്കാൻ പാടുള്ളൂ എന്നും വ്യവസ്ഥയുണ്ട്.