തെരഞ്ഞെടുപ്പ് അട്ടിമറിയില്‍ ഗ്യാനേഷിനെതിരെയുള്ള ദേശീയ തലത്തിലെ പ്രതിഷേധത്തിനിടെയാണ് പുതിയ നീക്കം. വര്‍ഷങ്ങള്‍ക്ക് മുമ്പ് തീര്‍പ്പാക്കിയ ഫയല്‍ ആണ് വീണ്ടും തുറക്കുന്നത്. രാഹുല്‍ഗാന്ധിയുടെ വാര്‍ത്താസമ്മേളനത്തിന് മുമ്പ് രമേശ് ചെന്നിത്തല കേസ് വിവരങ്ങള്‍ പരിശോധിച്ചിരുന്നു. കെഎസ്ടിപി പദ്ധതിയിലെ അഴിമതി ആരോപണത്തില്‍ ഗ്യാനേഷ് കുമാറിനെ പൊതുമരാമത്ത് സെക്രട്ടറി സ്ഥാനത്തു നിന്നും മാറ്റിയിരുന്നു. മറ്റ് വലിയ നടപടികളിലേക്ക് ഒന്നും പോയിരുന്നില്ല. വിജിലന്‍സും ക്രൈംബ്രാഞ്ചും പ്രാഥമിക അന്വേഷണം നടത്തി ഗ്യാനേഷിനെ കുറ്റവിമുക്തനാക്കുകയായിരുന്നു. ഇതിന് ശേഷമാണ് കേന്ദ്ര ഡെപ്യൂട്ടേഷന്‍ ലഭിക്കുന്നത്. 2007 ല്‍ നടന്ന അന്വേഷണം തൃപ്തികരമല്ലെന്ന പരാതിയിലാണ് കേസ് വീണ്ടും തുറക്കുന്നത്.