പൊതുനിരത്തുകളിലെ അനധികൃത ബോർഡുകള് നീക്കം ചെയ്യണമെന്നും അവ സ്ഥാപിക്കുന്നവർക്കെതിരെ വിവേചനമില്ലാതെ കനത്ത പിഴ ചുമത്തണമെന്നുമുള്ള കേരള ഹൈക്കോടതിയുടെ ഉത്തരവിന്റെ അടിസ്ഥാനത്തിലാണ് നഗരസഭയുടെ നടപടി.നഗരസഭ നല്കിയ പിഴ നോട്ടീസ് തുടർനടപടികള്ക്കായി സംസ്ഥാന പൊലീസ് മേധാവി കായിക മേളയുടെ സംഘാടകരായ ഉദ്യോഗസ്ഥർക്ക് കൈമാറി. നിയമം ലംഘിച്ച് ബോർഡ് സ്ഥാപിച്ചതിന് നഗരസഭയ്ക്ക് ആവശ്യമായ പിഴത്തുക അടയ്ക്കാനും നിർദ്ദേശം നല്കിയിട്ടുണ്ട്. പൊതുസ്ഥലങ്ങളില് നിയമവിരുദ്ധമായി ഫ്ലെക്സ് ബോർഡുകള് സ്ഥാപിക്കുന്നവർക്കെതിരെ തദ്ദേശ സ്ഥാപനങ്ങളും പൊലീസും നടപടിയെടുക്കണമെന്ന വ്യവസ്ഥ നിലനില്ക്കെയാണ് നിയമപാലകർ തന്നെ പിഴയുടെ ചൂടറിഞ്ഞത്.നേരത്തെയും രാഷ്ട്രീയ പാർട്ടികള്ക്കെതിരെയും സംഘടനകള്ക്കെതിരെയും ഇത്തരത്തില് വിട്ടുവീഴ്ചയില്ലാത്ത നടപടികളുമായി തിരുവനന്തപുരം നഗരസഭ രംഗത്തെത്തിയിരുന്നു. തദ്ദേശ തെരഞ്ഞെടുപ്പ് വിജയത്തിന് ശേഷം തലസ്ഥാനത്ത് പ്രധാനമന്ത്രി നരേന്ദ്ര മോദി പങ്കെടുത്ത പരിപാടിയോടനുബന്ധിച്ച് നഗരത്തില് അനധികൃതമായി ബോർഡുകള് സ്ഥാപിച്ചതിന് ബിജെപിക്ക് 19.7 ലക്ഷം രൂപ നഗരസഭ പിഴ ചുമത്തിയിരുന്നു.