യുവതിയെ ഭീഷണിപ്പെടുത്തി ബലാത്സംഗം ചെയ്തെന്ന പരാതിയില് നാലുപേർ അറസ്റ്റില്. കോഴിക്കോട് പേരാമ്പ്രയിലാണ് സംഭവം.
നടുവണ്ണൂർ സ്വദേശി റജീഷ്, കരുവണ്ണൂർ സ്വദേശികളായ അഭിലാഷ്, ഹുസൈൻ, വെള്ലിയൂർ സ്വദേശി ജാസിഫ് എന്നിവരാണ് പേരാമ്പ്ര പൊലീസിന്റെ പിടിയിലായത്.
പ്രതികളില് ഒരാളുടെ ബന്ധുവായ യുവതിയാണ് പരാതി നല്കിയത്. ലഹരി നല്കി വിവിധ സ്ഥലങ്ങളിലെത്തിച്ച് പീഡിപ്പിച്ചെന്നാണ് പരാതിയില് പറഞ്ഞിരിക്കുന്നത്. ബന്ധുവായ പ്രതി പീഡനത്തിന്റെ ദൃശ്യങ്ങള് പകർത്തിയെന്നും പിന്നീട് ഇത് ഉപയോഗിച്ച് മറ്റു പ്രതികളെ ഭീഷണിപ്പെടുത്തി പണം പറ്റിയെന്നും പൊലീസ് പറഞ്ഞു. സംഭവത്തില് കഴിഞ്ഞ ദിവസമാണ് യുവതി പേരാമ്പ്ര പൊലീസില് പരാതി നല്കിയത്. പ്രതികളെ പൊലീസ് ചോദ്യം ചെയ്യുന്നുണ്ട്. അന്വേഷണത്തിന്റെ ഭാഗമായി യുവതിയുടെ വിശദമായ മൊഴി രേഖപ്പെടുത്തുമെന്നും പൊലീസ് അറിയിച്ചു.