അത്ലറ്റിക്സിലും ഇന്ത്യയ്ക്ക് ശ്രദ്ധേയമായ നേട്ടമുണ്ടായി. പുരുഷ മാരത്തണില് സാവൻ ബർവാള് 2:11:37 സമയത്തില് വെള്ളി നേടി. ജപ്പാന്റെ ഇച്ചിതക യമഷിതയാണ് സ്വർണം നേടിയത്. 1982ന് ശേഷം ഏഷ്യൻ ഗെയിംസ് മാരത്തണില് ഇന്ത്യ നേടുന്ന ആദ്യ മെഡലാണിത്. ഡെക്കാത്ലണില് മൂന്ന് ഇനങ്ങള് പൂർത്തിയായപ്പോള് തേജസ്വിൻ ശങ്കർ മൂന്നാം സ്ഥാനത്താണ്. പുരുഷ 200 മീറ്ററില് അനിമേഷ് കുജൂർ സെമിഫൈനലിലും പ്രവേശിച്ചു. ഷൂട്ടിങ്ങില് ആഷി ചൗക്സി, തിലോത്തമ സെൻ, വിദർശ വിനോദ് എന്നിവരടങ്ങിയ ഇന്ത്യൻ ടീം വനിതകളുടെ 50 മീറ്റർ റൈഫിള് 3 പൊസിഷൻസ് ഇനത്തില് വെള്ളി നേടി. വ്യക്തിഗത ഫൈനലില് തിലോത്തമ നാലാമതും വിദർശ അഞ്ചാമതും ഫിനിഷ് ചെയ്തു. സ്ക്വാഷില് ജോഷ്ന ചിന്നപ്പ-വേലവൻ സെന്തില്കുമാർ സഖ്യം സെമിഫൈനലില് തോറ്റെങ്കിലും വെങ്കലം സ്വന്തമാക്കി.