അതേസമയം, കണ്ണൂർ സ്പെഷ്യല് സബ് ജയിലില് ജയില് ഉദ്യോഗസ്ഥന് നേരെ തടവുകാരന്റെ മർദനവുമുണ്ടായി. ഒരു പീഡനക്കേസില് റിമാൻഡില് കഴിയുന്ന സുഹൈല് എന്ന തടവുകാരനാണ് അസിസ്റ്റന്റ് പ്രിസണ് ഓഫീസറെ മർദിച്ചത്. 28ന് രാവിലെ 7.30 ഓടെയായിരുന്നു സംഭവം. ഭക്ഷണത്തിന് ശേഷം കഴിക്കേണ്ട ഗുളിക, ഭക്ഷണത്തിന് മുൻപായി നല്കണമെന്ന് സുഹൈല് ആവശ്യപ്പെട്ടതാണ് പ്രശ്നങ്ങള്ക്ക് തുടക്കമിട്ടത്.
ഇത് മുൻകൂട്ടി നല്കാൻ കഴിയില്ലെന്ന് അവിടെയുണ്ടായിരുന്ന ജയില് ഉദ്യോഗസ്ഥൻ വ്യക്തമാക്കിയതോടെ വാക്കേറ്റം ഉണ്ടാകുകയും തുടർന്ന് സുഹൈല് ഉദ്യോഗസ്ഥനെ മർദിക്കുകയുമായിരുന്നു. സുഹൈലിനെതിരെ ടൗണ് പോലീസ് കേസ് രജിസ്റ്റർ ചെയ്തു.