ഉച്ചയ്ക്ക് 1.30ന് ജലഘോഷയാത്രയും മൂന്നിന് മത്സര വള്ളംകളിയും ആരംഭിക്കും.
51 പള്ളിയോടങ്ങളാണ് ജലമേളയില് പങ്കെടുക്കുന്നത്. ജലഘോഷയാത്രയുടെ ഏറ്റവും മുന്നിലായി തിരുവോണത്തോണി തുഴഞ്ഞുനീങ്ങും.
പിന്നാലെ ബി ബാച്ച് പള്ളിയോടങ്ങളും എ ബാച്ച് പള്ളിയോടങ്ങളും ഭഗവത് സ്തുതി പാടി അകമ്പടിയാകും.
മൂന്നുമണിക്ക് മത്സര വള്ളംകളി ആരംഭിക്കും. വിജയികള്ക്ക് മന്നം ട്രോഫി സമ്മാനിക്കും.
ഏറ്റവും ഭംഗിയായി ചമയത്തോട് കൂടി പാടി തുഴയുന്ന പള്ളിയോടത്തിന് ആര്.ശങ്കര് സ്മാരക സുവര്ണ ട്രോഫി നല്കും.