ഇറാനിയന് ലക്ഷ്യസ്ഥാനങ്ങള്ക്ക് നേരെ തുടര്ച്ചയായ ഒന്പതാം രാത്രിയും ആക്രമണം നടത്തിയതായി യുഎസ് സെന്ട്രല് കമാന്ഡ് അറിയിച്ചു. അതേസമയം, തങ്ങളുടെ വ്യോമാതിര്ത്തിയില് കടന്നുകയറിയ ഇറാനിയന് ഡ്രോണുകള് തകര്ത്തതായി കുവൈത്തും സ്ഥിരീകരിച്ചു. ഹോര്മുസ് കടലിടുക്കിലെ കപ്പല്ഗതാഗത സുരക്ഷയും ഗുരുതര വെല്ലുവിളി നേരിടുന്ന സാഹചര്യമാണ് നിലവിലുള്ളത്. മുന്നറിയിപ്പുകള് അവഗണിച്ച് അപകടകരമായ പാതയിലൂടെ സഞ്ചരിക്കാന് ശ്രമിച്ച നാലു കപ്പലുകളെ തടഞ്ഞതായി ഇറാന് അറിയിച്ചു. ഇതില് രണ്ടു കപ്പലുകള് അപകടത്തില്പ്പെട്ടതായും ശേഷിച്ചവ തിരിച്ചയച്ചതായും ഇറാന് അവകാശപ്പെട്ടു. ഒമാന്റെ വടക്കുപടിഞ്ഞാറന് തീരത്തിന് സമീപം ഒരു കപ്പലില് തീപിടിത്തമുണ്ടായതായി യുകെ മാരിടൈം ട്രേഡ് ഓപ്പറേഷന്സും അറിയിച്ചു.