റിപ്പോർട്ട് വരുന്നതിനു മുൻപ് പ്രതിപക്ഷ നേതാവ് സർക്കാരിനെ കുറ്റപ്പെടുത്തുന്നതിന് പിന്നില് വേറെ താല്പര്യങ്ങളുണ്ട്. ജനങ്ങളുടെ സുരക്ഷ കണക്കിലെടുത്ത് മാത്രമേ തുരങ്ക പാതയില് തീരുമാനം ഉണ്ടാകൂ എന്നും എപി അനില്കുമാർ ഏഷ്യാനെറ്റ് ന്യൂസിനോട് പറഞ്ഞു.
കള്ളാടിയില് തെരച്ചില് വിപുലമാക്കി. ചൂരല്മലയില് രക്ഷാപ്രവർത്തനം നടത്തിയ തുർക്കി സന്നദ്ധ സംഘടന കൂടി തെരച്ചിലിനായി എത്തും. പുഴയില് 30 അംഗ എൻഡിആർഎഫ് സംഘം പരിശോധന നടത്തുന്നുണ്ട്. റോഡിന് ഇരുവശവും കൂടിക്കിടക്കുന്ന മണ്ണ് ചൂരല് മലയിലേക്ക് കൂടി കൊണ്ടുപോകും. മണ്ണു മാറ്റാൻ ഉടൻ മാറ്റുന്നത് സുരക്ഷിതമല്ല എന്നാണ് കൊങ്കണ് റെയില്വേയുടെ നിലപാട്. വിദഗ്ധഭിപ്രായം തേടും. അതിന് ശേഷം മാത്രമായിരിക്കും സർക്കാർ തീരുമാനം. മണ്ണ് മാറ്റിയാല് കൂടുതല് മണ്ണിടിച്ചിലിന് സാധ്യതയുണ്ടെന്നും അഭിപ്രായം ഉണ്ടെന്നും വിദഗ്ധസമിതിയെ ഇന്ന് തന്നെ പ്രഖ്യാപിക്കുമെന്നും മന്ത്രി എപി അനില്കുമാർ പറഞ്ഞു.
അതേസമയം, കള്ളാടി ദുരന്തത്തില് കണ്ടെത്താനുള്ള 2 പേർക്കായി നാലാം ദിവസവും തെരച്ചില് തുടരുകയാണ്. രണ്ട് സോണുകള് കേന്ദ്രീകരിച്ചാണ് തെരച്ചില്. തുരങ്ക പാതയുടെ രണ്ടു ഭാഗത്തേക്കും മണ്ണ് മാറ്റി തുടങ്ങും. കൊങ്കണ് റെയില്വെയുടെ പ്രത്യേകസംഘം ഇന്ന് ദുരന്തസ്ഥലത്തെത്തും. തുരങ്കപാത പദ്ധതി തുടരണോ എന്ന് പഠിക്കാനുള്ള വിദഗ്ധ സമിതിയെ ഇന്ന് പ്രഖ്യാപിച്ചേക്കും.