ഉച്ചകഴിഞ്ഞ് മൂന്നുമണിയോടെ ഫലം ലഭ്യമാകും. ഇക്കഴിഞ്ഞ മാർച്ച് മാസം നടന്ന പരീക്ഷയുടെ ഫലമാണ് പ്രസിദ്ധീകരിക്കുന്നത്. പരീക്ഷാ ഫലം results.hse.kerala.gov.in എന്ന വെബ്സൈറ്റില് ലഭ്യമാകും. മുൻവർഷം ജൂണ് രണ്ടിനായിരുന്നു പരീക്ഷാ ഫലം പ്രസിദ്ധീകരിച്ചിരുന്നത്. ഈ വർഷം ജൂണ് മാസം പത്താം തീയതി പരീക്ഷാ ഫലം പ്രസിദ്ധീകരിക്കാൻ നിശ്ചയിച്ചിരുന്നെങ്കിലും പശ്ചിമേഷ്യയില് പരീക്ഷ മാറ്റിവെച്ചതിനെ തുടർന്ന് ഫലപ്രഖ്യാപനവും നീളുകയായിരുന്നു.
കേരളത്തില് മാർച്ച് അഞ്ചുമുതല് 27 വരെ ആണ് പരീക്ഷ നടന്നത്. സയൻസ്, കൊമേഴ്സ്, ഹ്യുമാനിറ്റീസ് സ്ട്രീമുകളിലായി ആകെ നാലുലക്ഷം വിദ്യാർത്ഥികളാണ് പരീക്ഷയ്ക്കായി രജിസ്റ്റർ ചെയ്തിരുന്നത്. എഴുത്തുപരീക്ഷ 80 മാർക്കിലും ഇൻ്റേണല് അസസ്മെൻ്റ്/പ്രാക്ടിക്കല് 20 മാർക്കിലുമാണ് നടത്തിയത്. പരീക്ഷയില് വിജയിക്കാൻ ഓരോ വിഷയങ്ങള്ക്കും കുറഞ്ഞത് 35 ശതമാനം മാർക്ക് വേണം. ഓരോ വിഷയങ്ങളിലും വിജയിക്കാൻ ആവശ്യമായ മാർക്ക് നേടാൻ കഴിയാത്തവർക്ക് സേ പരീക്ഷയ്ക്ക് അപേക്ഷിക്കാം.
പരീക്ഷാ ഫലം എങ്ങനെ പരിശോധിക്കാം?
ഔദ്യോഗിക വെബ്സൈറ്റായ results.hse.kerala.gov.in ല് പ്രവേശിക്കുക.
Kerala Plus One Result 2026 എന്ന ലിങ്കില് ക്ലിക്ക് ചെയ്യുക.
രജിസ്ട്രേഷൻ നമ്പരും ജനനത്തീയതിയും നല്കുക.
ആവശ്യമായ മറ്റ് വിവരങ്ങളും നല്കുക.
സ്ക്രീനില് ലഭ്യമാകുന്ന പരീക്ഷാ ഫലം തുടർ ആവശ്യങ്ങള്ക്കായി ഡൗണ്ലോഡ് ചെയ്ത് സൂക്ഷിക്കാം.
ഈ വെബ്സൈറ്റുകളിലൂടെ ഫലം അറിയാം
dhsekerala.gov.in
results.hse.kerala.gov.in
keralaresults.nic.in
results.kite.kerala.gov.in
results.kerala.gov.in
DigiLocker
PRD Live
Saphalam KITE mobile app