മലപ്പുറം ജില്ലയില് അതിശക്തമായ മഴ തുടരുന്ന സാഹചര്യത്തില് അപകടങ്ങളും ദുരന്തങ്ങളും ഒഴിവാക്കുന്നതിനായി ജില്ലയിലെ പ്രൊഫഷണല് കോളെജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്ക് ഇന്ന് കളക്ടര് അവധി പ്രഖ്യാപിച്ചു. അങ്കണവാടികള്, ട്യൂഷന് സെന്ററുകള്, മദ്രസകള് എന്നിവയ്ക്കും അവധി ബാധകമാണ്. യൂണിവേഴ്സിറ്റി പരീക്ഷകള്, പി.എസ്.സി. പരീക്ഷകള് തുടങ്ങിയ മുന്കൂട്ടി നിശ്ചയിച്ച പരീക്ഷകള് മാറ്റമില്ലാതെ നടക്കും. നഷ്ടപ്പെട്ട പ്രവൃത്തി ദിനം പിന്നീട് നികത്തുന്നതിനുള്ള നടപടികള് സ്ഥാപന മേധാവികള് സ്വീകരിക്കേണ്ടതാണ്. ജനങ്ങള് പ്രത്യേകം ജാഗ്രത പുലര്ത്തണമെന്നും നിര്ദേശമുണ്ട്.വകുപ്പ് റെഡ് അലര്ട്ട് പ്രഖ്യാപിച്ച സാഹചര്യത്തില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. ജില്ലയിലെ അങ്കണവാടികള്, മത പഠന ക്ലാസുകള്, ട്യൂഷന് സെന്ററുകള്, സ്പെഷ്യല് ക്ലാസുകള്, പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് ജില്ലാ കലക്ടര് ഡി.ആര് മേഘശ്രീ അവധി പ്രഖ്യാപിച്ചു. റസിഡന്ഷല് സ്കൂളുകള്, റസിഡന്ഷല് കോളേജുകള്ക്ക് അവധി ബാധകമല്ല.
കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്കും ഇന്ന് അവധി. കേന്ദ്ര കാലാവസ്ഥ വകുപ്പ് ജില്ലയില് കനത്ത കാറ്റും മഴയും പ്രഖ്യാപിച്ച സാഹചര്യത്തിലാണ് അവധി. സര്വകലാശാല, പി എസ് സി പരീക്ഷകള്ക്ക് മാറ്റമുണ്ടായിരിക്കുന്നതല്ല. ഓണ്ലൈന് ക്ലാസുകളും നടത്താം. ജില്ലയിലെ സ്കൂളുകള്, മദ്രസകള്, ട്യൂഷന് സെന്ററുകള്, പ്രൊഫഷണല് കോളേജുകള്, അംഗനവാടികള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചിട്ടുണ്ട്. വാര്ത്താക്കുറിപ്പിലാണ് കളക്ടര് ഇക്കാര്യം അറിയിച്ചിരിക്കുന്നത്.