'പത്മ കഫെ' നിര്മാണവുമായി ബന്ധപ്പെട്ട സാമ്പത്തിക ക്രമക്കേട് ആരോപണങ്ങള് എന്എസ്എസ് പത്തനാപുരം താലൂക്ക് യൂണിയനില് വലിയ വിവാദത്തിന് കാരണമായിരുന്നു. പത്മ കഫെ നിര്മാണത്തിനായി നാല് കോടി രൂപ ചെലവഴിച്ചതില് അഴിമതി ആരോപണം ഉയര്ന്നതാണ് വിവാദമായത്. അഴിമതിയാരോപണങ്ങളില് പ്രതിഷേധിച്ച് 19 അംഗ ഭരണസമിതിയിലെ 11 പേര് ഒരുമിച്ച് രാജിവെച്ചിരുന്നു. ഭൂരിപക്ഷം അംഗങ്ങളും രാജിവെച്ചതോടെ പത്തനാപുരം താലൂക്ക് യൂണിയന് എന്എസ്എസ് സംസ്ഥാന നേതൃത്വം പിരിച്ചുവിടുകയും ചെയ്തിരുന്നു. നിയമസഭാ തെരഞ്ഞെടുപ്പില് ഗണേഷ്കുമാര് പത്തനാപുരത്ത് പരാജയപ്പെടാന് കാരണം പത്മ കഫെ വിവാദമാണെന്ന് റിപ്പോര്ട്ടുണ്ടായിരുന്നു.