കഴിഞ്ഞ ജൂണ് 4-നായിരുന്നു കെഎസ്ആർടിസി ജീവനക്കാരുടെ ഭാഗത്തുനിന്നും ഗുരുതരമായ നിയമലംഘനമുണ്ടായത്. നെയ്യാറ്റിൻകര യൂണിറ്റിലെ KS-600 സൂപ്പർഫാസ്റ്റ് ബസാണ് മറ്റ് വാഹനങ്ങള്ക്കും യാത്രക്കാർക്കും ഭീഷണിയാകുംവിധം വണ്വേയിലൂടെ പാഞ്ഞത്. നെയ്യാറ്റിൻകരയില് നിന്നും കണ്ണൂരിലേക്ക് സർവീസ് നടത്തുന്നതിനിടെ കോഴിക്കോട് പന്തീരാങ്കാവ് ടോള് പ്ലാസയ്ക്ക് സമീപമായിരുന്നു സംഭവം.
വണ്വേ തെറ്റിച്ച് എതിരെ വരുന്ന വാഹനങ്ങളെപ്പോലും വകവെക്കാതെ ബസ് മുന്നോട്ട് കുതിക്കുന്ന ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിച്ചിരുന്നു. വൻ ദുരന്തത്തിന് വഴിവെക്കാമായിരുന്ന ജീവനക്കാരുടെ ഈ നടപടിക്കെതിരെ പൊതുജനങ്ങളില് നിന്നും കടുത്ത പ്രതിഷേധമാണ് ഉയർന്നത്.