ഓട്ടോറിക്ഷ ഹമ്പ് കയറിയപ്പോള് കുട്ടി പുറത്തേക്ക് തെറിച്ചുവീണ സംഭവം ചൂണ്ടിക്കാട്ടിയാണ് അധികൃതരുടെ നിര്ദ്ദേശം. നോണ്-ട്രാന്സ്പോര്ട്ട് വാഹനങ്ങളില് കുട്ടികളെ സ്കൂളില് വിടരുത്. വാഹനങ്ങളില് നിന്ന് കുട്ടികള് പുറത്തേക്ക് കൈയും തലയും ഇടാനുള്ള സാധ്യത കൂടുതലാണെന്നും എംവിഡി പറഞ്ഞു.
സ്വകാര്യ സ്കൂള് വാഹനങ്ങളില് കര്ശനമായ സര്പ്രൈസ് പരിശോധനയ്ക്കും എംവിഡി ഒരുങ്ങുന്നുണ്ട്. സ്കൂള് വാഹനങ്ങള് തടഞ്ഞുനിര്ത്തി ഡ്രൈവര്മാര്ക്ക് മദ്യ-ലഹരി പരിശോധനകള് നടത്തും. വിദ്യാര്ത്ഥികളുടെ സുരക്ഷയ്ക്കായി പൊലീസും മോട്ടോര് വാഹന വകുപ്പും സംയുക്ത നടപടികള് സ്വീകരിക്കും.