അപ്രതീക്ഷിതമായ ചികിത്സാ ചെലവുകള് പല കുടുംബങ്ങളിലും വൻ സാന്പത്തിക ബാധ്യത സൃഷ്ടിച്ചിരുന്നു. ഇത്തരം ബാധ്യത ലഘൂകരിക്കാനും കുടുംബങ്ങള്ക്ക് കൈത്താങ്ങാകാനും ആരോഗ്യ ഇൻഷ്വറൻസ് പദ്ധതി വഴി സാധിക്കും. ഇതിന്റെ പ്രാരംഭ ചെലവുകള്ക്കായി 10 കോടി രൂപ നീക്കിവച്ചു.
എല്ലാ കുടുംബത്തിനും 25 ലക്ഷം രൂപയുടെ ആരോഗ്യ ഇൻഷ്വറൻസ് പദ്ധതി നടപ്പാക്കുമെന്നു ഇന്ദിരാ ഗാരന്റിയില് പ്രഖ്യാപിച്ചിരുന്നു. ഇതാണ് ബജറ്റില് പ്രഖ്യാപിച്ചത്.
കാരുണ്യ ആരോഗ്യ സുരക്ഷാ പദ്ധതിയിലെ കുടിശിക ഘട്ടംഘട്ടമായി കൊടുത്തുതീർക്കും. തീരദേശ മേഖലയിലുള്ളവരുടെ ആരോഗ്യ പരിപാലനത്തിനായി കോസ്റ്റല് കെയർ യൂണിറ്റുകള് സ്ഥാപിച്ച് ചികിത്സ ഉറപ്പാക്കും. ആദിവാസി മേഖലയില് ട്രൈബല് ഹെല്ത്ത് ക്ലസ്റ്റർ രൂപീകരിക്കും.
ലാബ് ടെസ്റ്റിംഗ് സൗകര്യം കുറവുള്ള ഗ്രാമീണ മേഖലയില് മൊബൈല് ടെസ്റ്റിംഗ് ലാബ് സംവിധാനം ഒരുക്കും. ഇതിനായി രണ്ടുകോടി രൂപ വീതം ചെലവിട്ട് 10 ലാബുകള് സജ്ജീകരിക്കും