'ആരെ എടുക്കണം എടുക്കേണ്ട എന്നുള്ളത് പാര്ട്ടിയുടെ നിലപാടാണ്. അത് പൂര്ണ്ണമനസ്സോടെ സ്വീകരിക്കുന്നു. ഞാന് പറയാത്ത കാര്യങ്ങള് മാധ്യമങ്ങള് പറഞ്ഞു. നിയമസഭാ തെരഞ്ഞെടുപ്പ് കഴിഞ്ഞപ്പോള് മുതല് ഈ പ്രവണത മാധ്യമങ്ങള് കാണിക്കുന്നു. പാര്ട്ടി ഒരു തീരുമാനമെടുത്താല് എനിക്ക് അത് സ്വീകാര്യമാണ്', ചാണ്ടി ഉമ്മന് പറഞ്ഞു.
15 വര്ഷം മുന്പ് ഇതേ ദിവസമാണ് തന്റെ പിതാവ് മുഖ്യമന്ത്രിയായി സത്യപ്രതിജ്ഞ ചെയ്തതെന്ന് ചാണ്ടി ഉമ്മന് കൂട്ടിച്ചേര്ത്തു. എല്ലാവര്ക്കും എല്ലാ ആശംസകളും നേരുന്നുവെന്നും അദ്ദേഹം പറഞ്ഞു. മുതിര്ന്ന കോണ്ഗ്രസ് നേതാവ് എ കെ ആന്റണിയുമായുള്ള കൂടിക്കാഴ്ചയെക്കുറിച്ചും ചാണ്ടി ഉമ്മന് പ്രതികരിച്ചു. എ കെ ആന്റണിയുമായുള്ളത് കുടുംബ ബന്ധമാണെന്നും പാര്ട്ടിപരമായ കാര്യങ്ങള്ക്കപ്പുറമുള്ള കാര്യങ്ങള് ചര്ച്ച ചെയ്യാനാണ് എ കെ ആന്റണിയെ കണ്ടതെന്നും ചാണ്ടി ഉമ്മന് പറഞ്ഞു.