പുതുപ്പാടി എല്ദോ മാര് ബസേലിയോസ് കോളേജ് ബിസിഎ രണ്ടാം സെമസ്റ്റര് വിദ്യാര്ഥിയാണ് അതുല്. ബുധനാഴ്ച വൈകുന്നേരം 4.30ഓടെയായിരുന്നു സംഭവം. പുതുപ്പാടി മുളവര് കവലയ്ക്ക് സമീപം കോതമംഗലം പുഴയിലെ കുംഭപ്പിള്ളി കടവില് കുളിക്കാനെത്തിയ ആറംഗ സംഘത്തിലൊരാളായിരുന്നു അതുല്. കാല് വഴുതി വെള്ളത്തില് വീണ അതുലിനെ കൂടെയുണ്ടായിരുന്നവര് രക്ഷിക്കാന് ശ്രമിച്ചെങ്കിലും സാധിച്ചില്ല.
കോതമംഗലത്ത് നിന്ന് അഗ്നിരക്ഷാ സേന എത്തി തിരച്ചില് നടത്തി. അതുല് തെന്നി വീണ സ്ഥലത്ത് നിന്ന് 50 മീറ്റര് മാറിയാണ് അതുലിനെ കണ്ടെത്തിയത്. ഉടന് മുങ്ങിയെടുത്ത് കോതമംഗലം താലൂക്ക് ആശുപത്രിയില് എത്തിച്ചെങ്കിലും മരിച്ചിരുന്നു. മാതാവ്: കെ സുധ. സഹോദരി: ആതിര. മൃതദേഹം താലൂക്ക് ആശുപത്രി മോര്ച്ചറിയിലേക്ക് മാറ്റി.