പോലീസിന്റെ ചോദ്യം ചെയ്യലില് കുഞ്ഞിനെ മർദ്ദിക്കുന്നതായി താൻ കണ്ടിട്ടുണ്ടെന്ന് അമ്മ തുറന്ന് സമ്മതിക്കുകയായിരുന്നു. ചോദ്യങ്ങള്ക്ക് ഒന്നും രണ്ടാനച്ഛൻ മറുപടി നല്കിയിരുന്നില്ല. അന്വേഷണത്തില് കുട്ടിയുടെ ജനനേന്ദ്രീയത്തില് ആഴത്തില് മുറിവും കാലില് പൊള്ളിച്ചതിന്റെയും പാടുകള് കണ്ടെത്തി.ഉച്ചയ്ക്ക് ചോറ് കൊടുക്കുന്നതിനിടെ കുട്ടി ഛർദിച്ചതിനെ തുടർന്ന് തിരുവനന്തപുരം എസ്എടി ആശുപത്രിയില് എത്തിച്ചെന്നായിരുന്നു രണ്ടാനച്ഛൻ അഷ്കർ പറഞ്ഞത്. എന്നാല് കുട്ടിയെ രണ്ടാനച്ഛൻ സ്ഥിരമായി മർദ്ദിച്ചിരുന്നു എന്ന പരാതിയുമായി കുട്ടിയുടെ അമ്മൂമ്മയും കുട്ടിയുടെ അച്ഛന്റെ അച്ഛനും പോലീസിനെ സമീപിച്ചു. ഒരു മാസം മുമ്പ് കുട്ടിയുടെ കൈ ഒടിച്ചതായും അമ്മ കുട്ടിയെ വേണ്ട വിധം ശ്രദ്ധിച്ചിരുന്നില്ലെന്നും പരാതി ഉയർന്നു. സംഭവം നടക്കുമ്പോള് മാതാവ് അഖില തമിഴ്നാട്ടില് നൃത്ത പരിപാടിയിലായിരുന്നു.