നിലവിലെ നേതൃത്വവുമായി മുന്നോട്ട് പോയാല് ബംഗാളിലെ ഇടതുപക്ഷത്തിന് സംഭവിച്ച സമാനമായ തകർച്ച കേരളത്തിലും ഉണ്ടാകുമെന്ന് നേതാക്കള് മുന്നറിയിപ്പ് നല്കി.
പരാജയത്തിന്റെ പശ്ചാത്തലത്തില് പിണറായി വിജയൻ ഇനി പ്രതിപക്ഷ നേതാവാകരുത് എന്ന വികാരമാണ് യോഗത്തില് ഉയർന്നത്. അടിയന്തരമായി നേതൃമാറ്റം വേണമെന്ന ആവശ്യവും ഒരു വിഭാഗം നേതാക്കള് ഉന്നയിച്ചു.
കേരള കോണ്ഗ്രസിന്റെ സിറ്റിങ് സീറ്റുകളില് ഉള്പ്പെടെ പരാജയം നേരിടാൻ കാരണം സിപിഎം അണികള് നടത്തിയ വ്യാപകമായ ക്രോസ് വോട്ടാണെന്നും യോഗം വിലയിരുത്തി. അടിയന്തര തിരുത്തല് നടപടികള് ഉണ്ടായില്ലെങ്കില് മുന്നണിക്ക് ഇനിയൊരു തിരിച്ചുവരവ് അസാധ്യമാകും. പാർട്ടി വലിയ പ്രതിസന്ധിയിലൂടെയാണ് കടന്നുപോകുന്നത് എന്നും യോഗത്തില് സ്റ്റിയറിങ് കമ്മിറ്റി അംഗങ്ങള് വ്യക്തമാക്കി.