രക്തം കട്ടപിടിക്കാത്ത അവസ്ഥ അഥവാ 'രാജകീയ രോഗം' എന്ന് വിളിക്കപ്പെടുന്ന ഹീമോഫീലിയയെക്കുറിച്ച് പൊതുസമൂഹത്തില് അവബോധം വളർത്തുന്നതിനാണ് എല്ലാ വർഷവും ഏപ്രില് 17 ലോക ഹീമോഫീലിയ ദിനമായി (World Haemophilia Day) ആചരിക്കുന്നത്.വേള്ഡ് ഫെഡറേഷൻ ഓഫ് ഹീമോഫീലിയയുടെ സ്ഥാപകനായ ഫ്രാങ്ക് ഷ്നാബെലിന്റെ ജന്മദിനമാണ് ഈ ദിനമായി തിരഞ്ഞെടുത്തിരിക്കുന്നത്.ശരീരത്തില് മുറിവുകളുണ്ടാകുമ്പോള് രക്തം കട്ടപിടിക്കാൻ സഹായിക്കുന്ന ‘ഫാക്ടറുകളുടെ’ (ക്ലോട്ടിംഗ് ഫാക്ടർ) കുറവ് മൂലം രക്തസ്രാവം നിലയ്ക്കാത്ത അവസ്ഥയാണിത്. ഇതൊരു ജനിതക രോഗമാണ്. സാധാരണയായി പുരുഷന്മാരിലാണ് ഈ രോഗം കണ്ടുവരുന്നത്, സ്ത്രീകള് ഈ രോഗത്തിന്റെ വാഹകരായിരിക്കും.ഹീമോഫീലിയ ബാധിതർക്ക് കൃത്യമായ ചികിത്സയും മുൻകരുതലും നല്കിയാല് സാധാരണ ജീവിതം നയിക്കാൻ സാധിക്കും. രക്തം കട്ടപിടിക്കാൻ സഹായിക്കുന്ന ഫാക്ടറുകള് കുത്തിവെപ്പിലൂടെ നല്കുന്നതാണ് പ്രധാന ചികിത്സ. മുറിവുകള് ഏല്ക്കാതെ ശ്രദ്ധിക്കുക, സന്ധികളുടെ ആരോഗ്യം സംരക്ഷിക്കുക എന്നിവ പ്രധാനമാണ്.
