കോണ്ഗ്രസിന്റെയും സഖ്യകക്ഷികളുടെയും ചിന്താഗതി സ്ത്രീകളുടെയോ രാജ്യത്തിന്റെയോ താല്പ്പര്യത്തിന് അനുകൂലമല്ലെന്നും അദ്ദേഹം കൂട്ടിച്ചേർത്തു. "ഇനി രാജ്യത്തെ സ്ത്രീകള്ക്ക് അവരുടെ അവകാശമായിരുന്ന ലോക്സഭയിലെയും സംസ്ഥാന നിയമസഭകളിലെയും 33% സംവരണം ലഭിക്കില്ല. കോണ്ഗ്രസും സഖ്യകക്ഷികളും ഇത് ആദ്യമായിട്ടല്ല, ആവർത്തിച്ച് ചെയ്യുന്നു. അവരുടെ മാനസികാവസ്ഥ സ്ത്രീകളുടെയോ രാജ്യത്തിന്റെയോ താല്പ്പര്യത്തിന് ചേർന്നതല്ല," അദ്ദേഹം പറഞ്ഞു.വിമർശനം കടുപ്പിച്ചുകൊണ്ട്, 2029ലെ ലോക്സഭാ തിരഞ്ഞെടുപ്പില് മാത്രമല്ല, ഓരോ തിരഞ്ഞെടുപ്പിലും ഓരോ സ്ഥലത്തും പ്രതിപക്ഷത്തിന് "സ്ത്രീകളുടെ രോഷം" നേരിടേണ്ടിവരുമെന്ന് കേന്ദ്ര ആഭ്യന്തരമന്ത്രി പറഞ്ഞു.നാരി ശക്തിയോടുള്ള ഈ അപമാനം ഇവിടെ നില്ക്കില്ല, അത് ഒരുപാട് ദൂരം സഞ്ചരിക്കും. 2029ലെ ലോക്സഭാ തിരഞ്ഞെടുപ്പില് മാത്രമല്ല, എല്ലാ തലത്തിലും, എല്ലാ തിരഞ്ഞെടുപ്പിലും, എല്ലാ സ്ഥലത്തും പ്രതിപക്ഷത്തിന് 'സ്ത്രീകളുടെ രോഷം' നേരിടേണ്ടിവരും," ഷാ പറഞ്ഞു. രാജ്യത്തെ പകുതിയോളം വരുന്ന ജനസംഖ്യയെ, അതായത് 70 കോടി സ്ത്രീകളെ വഞ്ചിച്ച് അവരുടെ വിശ്വാസം തകർത്ത ശേഷം എങ്ങനെയാണ് ഒരാള്ക്ക് വിജയം ആഘോഷിക്കാൻ കഴിയുകയെന്നും അദ്ദേഹം ചോദിച്ചു.പ്രതിപക്ഷത്തിന്റെ ഈ ആഘോഷം പതിറ്റാണ്ടുകളായി തങ്ങളുടെ അവകാശങ്ങള്ക്കായി കാത്തിരിക്കുന്ന ഓരോ സ്ത്രീയെയും അപമാനിക്കുന്നതിന് തുല്യമാണ്. എത്ര തവണ കോണ്ഗ്രസും സഖ്യകക്ഷികളും സ്ത്രീകളെ വഞ്ചിക്കും? പലപ്പോഴും, അഹങ്കാരത്തില് നിന്നുണ്ടാകുന്ന വിജയത്തിന്റെ സന്തോഷം യഥാർത്ഥത്തില് മറഞ്ഞിരിക്കുന്ന ഒരു വലിയ പരാജയമാണ്, അത് ചിലർക്ക് മനസ്സിലാക്കാൻ കഴിയില്ല," അമിത് ഷാ പറഞ്ഞു.