മുഖ്യമന്ത്രി മമത ബാനർജിയും ബിജെപി നേതാവ് സുവേന്ദു അധികാരിയും നേർക്കുനേർ പോരാടുന്ന ഭവാനിപൂർ മണ്ഡലമാണ് ഈ ഘട്ടത്തിലെ ഏറ്റവും വലിയ ശ്രദ്ധാകേന്ദ്രം. വോട്ടെടുപ്പ് തുടങ്ങിയത് മുതല് മമത ബാനർജി കേന്ദ്രസേനയുടെ ഇടപെടലുകള്ക്കെതിരെ രംഗത്തെത്തിയിട്ടുണ്ട്. വോട്ടർമാരെ ഭയപ്പെടുത്താൻ കേന്ദ്ര ഏജൻസികളെ ഉപയോഗിക്കുന്നുവെന്നാണ് തൃണമൂല് കോണ്ഗ്രസിന്റെ ആരോപണം. എന്നാല്, ജനങ്ങള് ഭയമില്ലാതെ വോട്ട് ചെയ്യണമെന്നും അക്രമത്തിന് പിന്നില് ടിഎംസി ആണെന്നും സുവേന്ദു അധികാരി തിരിച്ചടിച്ചു.
അക്രമ സംഭവങ്ങള്ക്കിടയിലും വോട്ടർമാരുടെ ആവേശത്തിന് കുറവില്ല. വടക്കൻ 24 പർഗാനാസ്, നാദിയ തുടങ്ങിയ ജില്ലകളിലെ ബൂത്തുകള്ക്ക് മുന്നില് പുലർച്ചെ മുതല് തന്നെ വോട്ടർമാരുടെ നീണ്ട നിര ദൃശ്യമാണ്. സുരക്ഷ ഉറപ്പാക്കുന്നതിനായി ലക്ഷക്കണക്കിന് കേന്ദ്രസേനാംഗങ്ങളെയാണ് വിന്യസിച്ചിരിക്കുന്നത്.