കൊടിയേറ്റ് പഞ്ചവാദ്യത്തിന് സർവശ്രീ ചോറ്റാനിക്കര സുഭാഷ് നാരായണമാരാരും സംഘവുമാണ് നേതൃത്വം നൽകിയത്. ഇന്ന് വൈകീട്ട് 6ന് കാഴ്ചപ്പന്തൽ ദീപാലങ്കാരം സ്വിച്ച് ഓൺ കർമ്മം നടക്കും. വിശേഷാൽ തായമ്പകയിൽ ഇന്ന് ഇരട്ട തായമ്പകയാണ്. വൈകീട്ട് 8ന് നടക്കുന്ന സാംസ്കാരിക സമ്മേളനം ഉദ്ഘാടനം ചെയ്യുന്നത് കേരളത്തിന്റെ ദേവസ്വം, സഹകരണ, തുറമുഖ വകുപ്പ് മന്ത്രി ശ്രീ വിഎൻ വാസവനാണ്. അദ്ധ്യക്ഷൻ തിരുവിതാംകൂർ ദേവസ്വം പ്രസിഡന്റ് ശ്രീ കെ ജയകുമാറാണ്. വൈകീട്ട് 8.30 നു് ഡോ. വൈക്കം വിജയലക്ഷ്മിയുടെ നേതൃത്വത്തിൽ ഭക്തി ഗാനമേളയും നടക്കും.
ഏറ്റുമാനൂർ ഉത്സവത്തിലെ ചരിത്ര പ്രസിദ്ധമായ ഏഴരപ്പൊന്നാന ദർശനവും വലിയ കാണിക്കയും ഫെബ്രുവരി 25 ബുധനാഴ്ചയാണ് നടക്കുക.