ഇന്ന് വൈകിട്ട് 7ന് തലസ്ഥാനത്തുന്ന ഉപരാഷ്ട്രപതി രാത്രി 7.20ന് പാളയം എല്എംഎസ് കോംപൗണ്ടില് നടക്കുന്ന ട്രിവാന്ഡ്രം ഫെസ്റ്റില് മുഖ്യാതിഥിയായി പങ്കെടുക്കും. തുടര്ന്ന് ലോക്ഭവനില് താമസിക്കും.
നാളെ രാവിലെ 10ന് വര്ക്കല ശിവഗിരിയില് 93ാമത് ശിവഗിരി തീര്ഥാടന സമ്മേളനം ഉദ്ഘാടനം ചെയ്യും. തിരികെ ഹെലികോപ്റ്ററില് തിരുവനന്തപുരത്ത് എത്തി 12.05ന് മാര് ഇവാനിയോസ് കോളജിന്റെ പ്ലാറ്റിനം ജൂബിലി ആഘോഷങ്ങളുടെ സമാപന സമ്മേളനം ഉദ്ഘാടനം ചെയ്യും. തുടര്ന്ന് ഉച്ചയ്ക്ക് 1.25ന് ഡല്ഹിയിലേക്ക് മടങ്ങും.
കനകക്കുന്നില് പൊതുജനങ്ങള്ക്ക് നിയന്ത്രണം
ഉപരാഷ്ട്രപതി സി.പി. രാധാകൃഷ്ണന്റെ സന്ദര്ശനത്തോടനുബന്ധിച്ച് കനകക്കുന്നില് വസന്തോത്സവം ന്യൂ ഇയര് ലൈറ്റിങ് പരിപാടിയില് പൊതുജനങ്ങള്ക്ക് നിയന്ത്രണം ഏര്പ്പെടുത്തിയിട്ടുണ്ട്. സുരക്ഷാക്രമീകരണങ്ങളും ഗതാഗത നിയന്ത്രണവും ഏര്പ്പെടുത്തിയിരിക്കുന്നതിനാലാണ് തിങ്കളാഴ്ച വൈകീട്ട് ആറു മുതല് എട്ടുവരെ പൊതുജനങ്ങള്ക്ക് കനകക്കുന്ന് കോമ്ബൗണ്ടിലേക്കുള്ള പ്രവേശനം നിരോധിച്ചത്.
തിരുവനന്തപുരം നഗരത്തില് ഗതാഗത നിയന്ത്രണം
ഇന്ത്യന് ഉപരാഷ്ട്രപതിയുടെ സന്ദര്ശനത്തോടനുബന്ധിച്ച് ഡിസംബര് 29,30 തീയതികളില് നഗരത്തില് ഗതാഗത നിയന്ത്രണം ഏര്പ്പെടുത്തി. 29ന് ഉച്ചയ്ക്ക് 2.30 മുതല് രാത്രി 8.30വരെയും 30ന് രാവിലെ ആറ് മുതല് ഉച്ചയ്ക്ക് രണ്ട് വരെയുമാണ് ഗതാഗത നിയന്ത്രണം ഏര്പ്പെടുത്തിയിട്ടുള്ളത്.
29ന് ഉച്ചയ്ക്ക് 2.30 മുതല് രാത്രി 8.30 വരെ ശംഖുംമുഖം- ആള്സെയിന്റ്സ്-ചാക്ക പേട്ട-പള്ളിമുക്ക്-പാറ്റൂര്-ജനറല് ആശുപത്രി- ആശാന് സ്ക്വയര്- ഫ്ലൈഓവര്-നിയമസഭ- ജി.വി രാജ- എല്.എം.എസ്- മ്യൂസിയം - വെള്ളയമ്ബലം - കവടിയാര് റോഡിന്റെ ഇരുവശങ്ങളിലും വാഹനങ്ങള് പാര്ക്ക് ചെയ്യാന് പാടില്ല.
30ന് രാവിലെ ആറു മുതല് 9.30 വരെ കവടിയാര്- വെള്ളയമ്ബലം- മ്യൂസിയം-വേള്ഡ്വാര്-വിജെറ്റി-ആശാന് സ്ക്വയര്-ജനറല് ആശുപത്രി-പാറ്റൂര്-പേട്ട-ചാക്ക റോഡിന്റെ ഇരുവശങ്ങളിലും, രാവിലെ എട്ട് മുതല് ഉച്ചയ്ക്ക് രണ്ടു വരെ വരെ ചാക്ക ലോര്ഡ്സ് - ലുലു -കുഴിവിള -ആക്കുളം -കോട്ടമുക്ക് -പ്രശാന്ത് നഗര് - ഉളളൂര് -കേശവദാസപുരം-പരുത്തിപ്പാറ-മാര് ഇവാനിയസ് കോളേജ് റോഡിന്റെ ഇരുവശങ്ങളിലും, രാവിലെ ലറു മുതല് ഉച്ചയ്ക്ക് രണ്ടു വരെ ശംഖുമുഖം-ആള്സെയിന്റ്സ്-ചാക്ക റോഡിന്റെ ഇരുവശങ്ങളിലും വാഹനങ്ങള് പാര്ക്ക് ചെയ്യാന് പാടില്ല.
കൂടാതെ 29നും 30നും ശംഖുംമുഖം - വലിയതുറ, പൊന്നറ, കല്ലുംമൂട് - ഈഞ്ചയ്ക്കല് - അനന്തപുരി ആശുപത്രി -ഈഞ്ചയ്ക്കല് - മിത്രാനന്ദപുരം - എസ്.പി ഫോര്ട്ട് - ശ്രീകണ്ഠേശ്വരം പാര്ക്ക് - തകരപ്പറമ്ബ് മേല്പ്പാലം - ചൂരക്കാട്ടുപാളയം - തമ്ബാനൂര് ഫ്ലൈഓവര് - തൈക്കാട് -വഴുതക്കാട് - വെള്ളയമ്ബലം-കവടിയാര് റോഡിലും 30ന് വിമെന്സ് കോളജ് -ബേക്കറി ജങ്ഷന് -പഞ്ചാപുര- രക്തസാക്ഷിമണ്ഡപം- നിയമസഭാമന്ദിരം -പി.എം.ജി, പ്ളാമൂട്, പട്ടം -കേശവദാസപുരം റോഡിലും, വെള്ളയമ്ബലം-കവടിയാര്-കുറവന്കോണം-പട്ടം-കേശവദാസപുരം-ഉള്ളൂര്-ആക്കുളം-കുഴിവിള-ഇന്ഫോസിസ്-കഴക്കൂട്ടം-വെട്ടുറോഡ് റോഡിലും നിയന്ത്രണങ്ങളുണ്ട്.