കേരളം ഉള്പ്പെടെയുള്ള സംസ്ഥാനങ്ങളില് ഒരേ കുടുംബത്തിലെ ആളുകള് അനര്ഹമായി ആനുകൂല്യം നേടിയെടുക്കുന്നുവെന്ന് കേന്ദ്ര കൃഷിമന്ത്രാലയം കണ്ടെത്തിയിരുന്നു. ഇത്തരത്തില് തന്നെ 29.13 ലക്ഷം അക്കൗണ്ടുകളാണ് രാജ്യവ്യാപകമായി കണ്ടെത്തിയത്. തുടര്ന്നാണ് അനര്ഹര് കൈപ്പറ്റിയ ആനുകൂല്യം പിടിച്ചെടുത്ത് തിരിച്ചു നല്കാന് സംസ്ഥാനങ്ങളോട് നിര്ദേശിച്ചത്.
കേരളത്തില് 7,694 കുടുംബങ്ങളില് ഭാര്യയും ഭര്ത്താവും ആനുകൂല്യം കൈപ്പറ്റിയതായി സംസ്ഥാന സര്ക്കാര് റിപ്പോര്ട്ട് നല്കിയിരുന്നു. പ്രായപൂര്ത്തിയാകാത്ത മക്കളും മറ്റു ബന്ധുക്കളും ഉള്പ്പെടെ സംസ്ഥാനത്ത് 33 പേരും അനധികൃതമായി ആനുകൂല്യം കൈപ്പറ്റിയിരുന്നു. ഇതു തിരിച്ചുപിടിക്കാനുള്ള നടപടികളും തുടങ്ങി.